ستارے

[عزیزامین]

ستاروں کے بارے میں جہاں تک مجھے پتہ ہے ان سے سمت اور وقت معلوم کیا جاتا ہے آسمان پر خوبصورت لگتے ہیں۔ کچھ لوگ ان سے قسمت بھی معلوم کرتے ہیں جو کہ اسلامی طریقہ نہیں نہ ہی مجھے پسند ہے شعروشاعری میں بھی انکا ذکر ہے آگے آپ بتایں

 

[مقدس]

میں نے بھی پڑھی ہے بھائی
چاند چہرہ ستارہ آنکھیں والی نظم

 

[حسینی]

​

ستارہ کے حوالے سے شاعر مشرق کے نہایت خوبصورت شعر ہیں۔ جن میں بعض جمع کر لیا ہے۔ ان سے ہمیں شاعر مشرق کا نظریہ سمجھنے میں مدد ملے گی۔​

​

ستارہ کیا میری تقدیر کی خبر دے گا​

وہ خود فراخئ افلاک میں ہے خوار وزبوں​

​

​

دلیل صبح روشن ہے ستاروں کی تنک تابی​

افق سے آفتاب ابھرا، گیا دورِ گراں خوابی​

​

پرے ہے چرخِ نیلی فام سے منزل مسلماں کی​

ستارے جس کی گردِ راہ ہوں، وہ کارواں تو ہے​

​

​

ترے مقام کو انجم شناس کیا جانے​

کہ خاکِ زندہ ہے تو، تابع ستارہ نہیں​

​

​

نہ ہے ستارے کی گردش، نہ بازی افلاک​

خودی کی موت ہے تیرا زوال نعمت و جاہ​

​

​

ستاروں سے آگے جہاں اور بھی ہیں​

ابھی عشق کے امتحاں اور بھی ہیں​

​

​

مہ و ستارہ سے آگے مقام ہے جس کا​

وہ مشت خاک ابھی آوارگان راہ میں ہے​

​

​

سمجھ رہے ہیں وہ یورپ کو ہم جوار اپنا​

ستارے جن کے نشیمن سے ہیں زیادہ قریب!​

​

​

محبت مجھے ان جوانوں سے ہے​

ستاروں پہ جو ڈالتے ہیں کمند​

​

​

​

رلاتی ہے مجھے راتوں کو خاموشی ستاروں کی​

نرالا عشق ہے میرا، نرالے میرے نالے ہیں​

​

​

اجل ہے لاکھوں ستاروں کی اک ولادتِ مہر​

فنا کی نیند مے زندگی کی مستی ہے​

​

​

حضرت علامہ محمد اقبال رحمۃ اللہ علیہ​

​

 

[ام نور العين]

بھلا سب سے چمک دار ستارا کون سا ہوتا ہے ؟

 

[عظیم اللہ قریشی]

ستاروں کے بارے میں جہاں تک مجھے پتہ ہے ان سے سمت اور وقت معلوم کیا جاتا ہے آسمان پر خوبصورت لگتے ہیں۔ کچھ لوگ ان سے قسمت بھی معلوم کرتے ہیں جو کہ اسلامی طریقہ نہیں نہ ہی مجھے پسند ہے شعروشاعری میں بھی انکا ذکر ہے آگے آپ بتایں

آپ نے کہاں پڑھا ہے کہ ستارہ سے قسمت کا حال معلوم کرنے پر ممانعت ہے؟؟؟
میرے علم میں بھی اضافہ ہوجائے گا۔

 

[شمشاد]

ابھی چاند والا دھاگہ شروع کیا تھا، اب ستاروں والا شروع کر دیا۔ اگلا دھاگہ غالباً سورج پر ہو گا۔

میں تو فلمی ستاروں کو جانتا ہوں۔ ان کے متعلق کوئی دھاگہ شروع کریں۔

 

[محمد امین]

توڑ کر لا دوں کیا عزیز بھائی؟؟؟؟

 

[قیصرانی]

بھلا سب سے چمک دار ستارا کون سا ہوتا ہے ؟

یہ کافی مشکل سوال ہے۔ زمین پر رہنے والوں کے لئے شاید سورج۔ لیکن اگر سپر نووا کہیں نزدیک پھٹا تو عارضی طور پر وہ زیادہ روشن ہو جائے گا۔ تو اس کا یقینی جواب کوئی نہیں