تبسم سخت افسردہ ہو گئے ہیں ہم ۔ صوفی تبسّم

[فرخ منظور]

سخت افسردہ ہو گئے ہیں ہم​

اے غمِ دوست ایک نگاہِ کرم​

​

کون اٹھ کر گیا ہے محفل سے​

بزم کی بزم ہو گئی برہم​

​

عشق نے یوں کہا افسانۂ درد​

حسن کی آنکھ بھی ہوئی پرنم​

​

نہ جھکے گا یہ سر کسی در پر​

مجھ کو تیرے ہی آستاں کی قسم​

​

اپنی ناکام آرزوؤں کو​

کس تمنّا سے دیکھتے ہیں ہم​

​

کیسی کیسی خزاں سے گزرے ہیں​

خوب گزرا بہار کا موسم​

​

زندگی اور یہ غمِ پیہم!​

زندگی ہے کہ زیست کا ماتم​

​

کل ترستا تھا جس بہار کو دل​

آج روئے ہیں اس بہار پہ ہم​

​

(صوفی تبسّم)​

 

[الف عین]

اب ای بک کی دوسری جلد کی تیاری ہے، اگر مزید کلام بھی اتنا ہی پوسٹ کر دو کہ ایک کتاب کا مواد ہو جائے۔

 

[فرخ منظور]

اب ای بک کی دوسری جلد کی تیاری ہے، اگر مزید کلام بھی اتنا ہی پوسٹ کر دو کہ ایک کتاب کا مواد ہو جائے۔

جی، کوشش تو یہی ہے۔