سخت لیچڑ تھا وہ توہینِ وفا کرتا تھا از نویدظفرکیانی

[نویدظفرکیانی]

سخت لیچڑ تھا وہ توہینِ وفا کرتا تھا​

جب گلا اُس کا دباتے تھے گلہ کرتا تھا​

​

حسرتِ تاڑ میں ہم آنکھ جھپکتے نہ تھے​

تیرا کتا بھی جہاں اونگھ لیا کرتا تھا​

​

کیسے اسمارٹ نہ ہوتا تیرا موٹا بھائی​

ڈائٹنگ کرتا تھا’ اخبار پڑھا کرتا تھا​

​

اب وہاں اُپلے سجاتی ہے تمہاری ماسی​

“جن منڈیروں پہ کبھی چاند اُگا کرتا تھا”​

​

اب کہیں اور لگاتا ہے “بٹر” کی ہٹی​

جو ترے چاند سے چہرے پہ مرا کرتا تھا​

​

اُس کے کرتوتوں پہ نکلے ہیں ضمیمے کتنے​

جو ہر اک بات پہ لاحول پڑھا کرتا تھا​

​

کتنا تبدیلی کا حامی تھا کہ اپنے بدلے​

اپنے بیٹے کو الیکشن میں کھڑا کرتا تھا​

​

جس میں برجستگئ حق کے جراثیم رہے​

وہی ہر شخص کی آنکھوں میں چُبھا کرتا تھا​

​

بھانڈ ایسا تھا کہ پھبتی سے نہ ٹلنے پاتا​

عکس اپنا بھی اگر دیکھ لیا کرتا تھا​

​

اب تو شائد ہی اُسے یاد رہا ہو کہ ظفر​

کوئی دُم چھلا مرے ساتھ رہا کرتا تھا​

​

نویدظفرکیانی​

 

[شوکت پرویز]

سخت لیچڑ تھا وہ توہینِ وفا کرتا تھا

جب گلا اُس کا دباتے تھے گلہ کرتا تھا​

​

حسرتِ تاڑ میں ہم آنکھ جھپکتے نہ تھے​

تیرا کتا بھی جہاں اونگھ لیا کرتا تھا​

​

اب وہاں اُپلے سجاتی ہے تمہاری ماسی​

“جن منڈیروں پہ کبھی چاند اُگا کرتا تھا”​

​

زبردست جناب نویدظفرکیانی صاحب!
شکریہ۔۔۔

 

[محسن وقار علی]

کتنا تبدیلی کا حامی تھا کہ اپنے بدلے​

اپنے بیٹے کو الیکشن میں کھڑا کرتا تھا​

​

اس شعر سے پاکستانی سیاست کی مکمل عکاسی ہوتی ہے​

بہت خوب۔نوید بھائی​

 

[یوسف-2]

اُس کے کرتوتوں پہ نکلے ہیں ضمیمے کتنے​

جو ہر اک بات پہ لاحول پڑھا کرتا تھا​

کتنا تبدیلی کا حامی تھا کہ اپنے بدلے​

اپنے بیٹے کو الیکشن میں کھڑا کرتا تھا​

​