سسی تسی تھل مارو تے ہوکے ہانواں لکھیے

[حمیرا عدنان]

سسی تسی تھل مارو تے ہوکے ہانواں لکھیے
کچے اتے ٹھِلدی سوہنی وِِچ چنہاواں لکھیے

بے کاجی دے ہتھوں کامے مرن کنارے اپڑے
بھکھ دیاں ڈینڑاں دا فیر یارو ناں پرچھانواں لکھیے

منیاں اپنا دیس تے ہوندا سکھاں دا پرچھانواں
مارو شِخر دوپہراں نوں کِنج ٹھنڈیاں چھانواں لکھیے

ہسدے ہسدے کھیڈی جاندی لہو دی ہولی ایتھے
خود غرضی دیاں نازل ہوئیاں فیر بلاواں لکھیے

دکھاں دے میں پتر لکھاں جد وی کسے سیانڑے نوں
تیرا ناں ای لکھیا جاوے جو سر نانواں لکھیے

تیریاں گوریاں بانہواں نوں میں ہار پھلاں دے آکھاں
یا فیر ہار پھلاں دے تیریاں گوریاں بانہواں لکھیے

جیہڑے ایتھے دِن دیہاڑے دِل تے ڈاکے مارن
کیہ تعزیراں لائیے اوہناں، کیہ سزاواں لکھیے؟

دَل دے کولوں پچھو خاں کشمیر اساڈا وِیر نئیں؟
کھوہے دے وِچ سٹیا یوسفؑ فیر بھراواں لکھیے

تک چڑہدے پنجاب دے واسی لبھدے اپنے پنڈے نُوں
کیوں نہ اسیں انہاں نوں اپنیاں وڈھیاں بانہواں لکھیے


جے ربّ حق پچھاننڑ والی دیوے اکھ اسانوں
اِیدوں ودھ نہ حیدرؔ سائیاں ہور دعاواں لکھیے

سائیں غلام حیدر

 

[یوسف سلطان]

ودھيا

 

[محبوب الحق]

چڑھ فریدا کوٹھے تے، دیکھ گھر گھر لگی اگ
توں سمجھیں میں دکھی آں، ایتھے دکھی سارا جگ​

 

[رومانہ چوہدری]

اعلی شراکت۔

 

[محبوب الحق]

مشکور

 

[ہارون اعجاز]

جیہڑے ایتھے دِن دیہاڑے دِل تے ڈاکے مارن
کیہ تعزیراں لائیے اوہناں، کیہ سزاواں لکھیے؟

ودیا اے محترمہ