طالوت
محفلین
جی تو سعودیہ میں مقیم احباب ، آپ کی توجہ درکار ہے ، اگر مدد بھی فراہم کر دیں تو بڑی نوازش ہو وے گی۔
قصہ کچھ یوں ہے کہ سال سے کچھ اوپر مجھ سے ایک حماقت سرزد ہو گئی کہ میں نے الہاتف (لینڈ لائن ) جو ایک ساتھی کے نام پر رجسٹر تھی ، اس دوست کی رخصتی کے سبب اپنے نام پر منتقل کر وا لیا ۔ گذشتہ ستمبر میں میں نے فیصلہ کیا کہ اب لینڈ لائن سے انٹرنیٹ استعمال کرنے کی بجائے وائرلیس انٹرنیٹ استعمال کیا جائے کیونکہ ایس ٹی سی گذشتہ دو سال سے زیادہ عرصہ سے 20 ایم بی انٹرنیٹ کے ماہانہ چارجز لے کر پانچ سے چھ ایم بی تک ہی انٹرنیٹ کی سہولت فراہم کر رہی تھی۔ ستمبر میں جب ارادہ پاکستان جانے کا ہوا تو میں نے میرے ذمہ تمام واجبات سعودی ٹیلی کام کے العلیہ سروس سنٹر میں ادا کر کے انھیں یہ لائن مستقل طور پر بند کرنے کی درخواست دی جس کی منظور ی کی انھوں نے زبانی تصدیق کی اور تمام سروسز (فون و انٹرنیٹ) بند کر دیں۔ دوران چھٹی مجھے 314 ریال کا بل موصول ہوا ، پاکستان سے ہی میں نے ایس ٹی سی کو ایک ای میل روانہ کی جس میں ساری صورتحال بیان کی جس کا جواب مجھے سعودیہ واپسی پر ہی موصول ہوا کہ آپ 907 پر رابطہ کریں۔ 907 پر رابطہ کرنے پر بتایا گیا کہ دراصل لائن دوبارہ فعال ہو گئی تھی (کیوں ؟ وجہ نہیں بتائی گئی) اسلئے آپ کو یہ بل ہر حال میں ادا کرنا ہوگا تب ہی یہ معاملہ نبٹ پائے گا۔ راقم نے اس ناجائز بل کو ادا کر کے جان چھڑوانے میں عافیت سمجھی اور بل ادا کر دیا جس کے بعد 907 کے نمائندے نے اس بار یقین دہائی کروائی کہ سروسز مستقل طور پر منقطع کر دی گئی ہیں۔
مگر کہاں جناب ، اب کے دسمبر میں پھر 296 ریال کا بل موصول ہو گیا اور رابطہ کرنے پر بتایا گیا
ایک دن : لائن دو ماہ سےمنقطع ہے ، بل ناجائز ہے ٹھیک کر دیں گے اور پہلے ادا کیا گیا 314 ریال کا بل بھی درست نہیں تھا اس کی بھی انکوائری ہو گی۔
دوسرے دن: (بل کا پیغام براستہ ایس ایم ایس موصول ہونے کے بعد) بل ادا کرنا ہو گا لائن منقطع نہیں ہوئی ادا کریں منقطع کروائیں۔
چوتھے دن: (بل کا پیغام ایک بار پھر براستہ ایس ایم ایس موصول ہونے کے بعد) لائن منقطع ہے (ٹکٹ اوپن ہے ، کام جاری ہے)
چھٹے دن: (ایک بار پھر بل کا پیغام براستہ ایس ایم ایس موصول ہونے کے بعد) بل جمع کروائیں لائن کو منقطع کرنے کے لئےدوبارہ 907 ورنہ یہ بل یوں ہی آتا رہے گا۔
آٹھویں دن ، دسویں دن ۔ یعنی جب رابطہ ایک نئی رام کہانی اور دوسرے دن بل کا تازہ پیغام۔
اب آپ اپنے تجربات کی روشنی میں مشورہ دیں کہ ان نکموں کا کیا علاج ممکن ہے ؟
قصہ کچھ یوں ہے کہ سال سے کچھ اوپر مجھ سے ایک حماقت سرزد ہو گئی کہ میں نے الہاتف (لینڈ لائن ) جو ایک ساتھی کے نام پر رجسٹر تھی ، اس دوست کی رخصتی کے سبب اپنے نام پر منتقل کر وا لیا ۔ گذشتہ ستمبر میں میں نے فیصلہ کیا کہ اب لینڈ لائن سے انٹرنیٹ استعمال کرنے کی بجائے وائرلیس انٹرنیٹ استعمال کیا جائے کیونکہ ایس ٹی سی گذشتہ دو سال سے زیادہ عرصہ سے 20 ایم بی انٹرنیٹ کے ماہانہ چارجز لے کر پانچ سے چھ ایم بی تک ہی انٹرنیٹ کی سہولت فراہم کر رہی تھی۔ ستمبر میں جب ارادہ پاکستان جانے کا ہوا تو میں نے میرے ذمہ تمام واجبات سعودی ٹیلی کام کے العلیہ سروس سنٹر میں ادا کر کے انھیں یہ لائن مستقل طور پر بند کرنے کی درخواست دی جس کی منظور ی کی انھوں نے زبانی تصدیق کی اور تمام سروسز (فون و انٹرنیٹ) بند کر دیں۔ دوران چھٹی مجھے 314 ریال کا بل موصول ہوا ، پاکستان سے ہی میں نے ایس ٹی سی کو ایک ای میل روانہ کی جس میں ساری صورتحال بیان کی جس کا جواب مجھے سعودیہ واپسی پر ہی موصول ہوا کہ آپ 907 پر رابطہ کریں۔ 907 پر رابطہ کرنے پر بتایا گیا کہ دراصل لائن دوبارہ فعال ہو گئی تھی (کیوں ؟ وجہ نہیں بتائی گئی) اسلئے آپ کو یہ بل ہر حال میں ادا کرنا ہوگا تب ہی یہ معاملہ نبٹ پائے گا۔ راقم نے اس ناجائز بل کو ادا کر کے جان چھڑوانے میں عافیت سمجھی اور بل ادا کر دیا جس کے بعد 907 کے نمائندے نے اس بار یقین دہائی کروائی کہ سروسز مستقل طور پر منقطع کر دی گئی ہیں۔
مگر کہاں جناب ، اب کے دسمبر میں پھر 296 ریال کا بل موصول ہو گیا اور رابطہ کرنے پر بتایا گیا
ایک دن : لائن دو ماہ سےمنقطع ہے ، بل ناجائز ہے ٹھیک کر دیں گے اور پہلے ادا کیا گیا 314 ریال کا بل بھی درست نہیں تھا اس کی بھی انکوائری ہو گی۔
دوسرے دن: (بل کا پیغام براستہ ایس ایم ایس موصول ہونے کے بعد) بل ادا کرنا ہو گا لائن منقطع نہیں ہوئی ادا کریں منقطع کروائیں۔
چوتھے دن: (بل کا پیغام ایک بار پھر براستہ ایس ایم ایس موصول ہونے کے بعد) لائن منقطع ہے (ٹکٹ اوپن ہے ، کام جاری ہے)
چھٹے دن: (ایک بار پھر بل کا پیغام براستہ ایس ایم ایس موصول ہونے کے بعد) بل جمع کروائیں لائن کو منقطع کرنے کے لئےدوبارہ 907 ورنہ یہ بل یوں ہی آتا رہے گا۔
آٹھویں دن ، دسویں دن ۔ یعنی جب رابطہ ایک نئی رام کہانی اور دوسرے دن بل کا تازہ پیغام۔
اب آپ اپنے تجربات کی روشنی میں مشورہ دیں کہ ان نکموں کا کیا علاج ممکن ہے ؟
