سعید احمد اختر ::::: پُھونک ڈالے تپشِ غم تو بُرا بھی کیا ہے ::::: Saeed Ahmad Akhtar

[طارق شاہ]

غزلِ

پُھونک ڈالے تپشِ غم تو بُرا بھی کیا ہے
چند یادوں کے سِوا دِل میں رہا بھی کیا ہے

بے نوا ہوگا نہ اِس شہر میں ہم سا کوئی
زندگی تجھ سے مگر ہم کو گِلہ بھی کیا ہے

کہِیں اِک آہ میں افسانے بَیاں ہوتے ہیں ؟
ہم نے اُس دشمنِ ارماں سے کہا بھی کیا ہے

کیا کرے، تھک کے اگر بیٹھ نہ جائے دِلِ زار
اِک خرِیدار نہیں جِنسِ وَفا بھی کیا ہے

تم ہوغمخوار، تمھیں اِتنا تکلّف کیوں ہے
زہردے دو مجھے، اب میری دوا بھی کیا ہے

زندگی چھین لے بخشی ہُوئی دولت اپنی
توُ نے خوابوں کے سِوا مجھ کو دِیا بھی کیا ہے

ہم نے اُس بت کو کلیجے سے لگایا ہے، جسے
ہے یہ پندارِ خُدائی کہ خُدا بھی کیا ہے

دیدۂ حُسن بھی، بے خواب ہُوئے جاتے ہیں
نالۂ اخترِ شورِیدہ نوا بھی کیا ہے


سعید احمد اختر
https://en.wikipedia.org/wiki/Saeed_Ahmad_Akhtar​

 

[آوازِ دوست]

پُھونک ڈالے تپشِ غم تو بُرا بھی کیا ہے
چند یادوں کے سِوا دِل میں رہا بھی کیا ہے

شاعر عروض کا ٹیسٹ تقریبا" پورے نمبروں سے پاس کر گیا ہے جِس کے لیے الگ سے بہت سی داد

 

[طارق شاہ]

شاعر عروض کا ٹیسٹ تقریبا" پورے نمبروں سے پاس کر گیا ہے جِس کے لیے الگ سے بہت سی داد

https://en.wikipedia.org/wiki/Saeed_Ahmad_Akhtar

 

[فاتح]

واہ واہ کیا کہنے خوبسورت انتخاب کے۔ شکریہ طارق شاہ صاحب