سعید خان : بنجاروں کو بھر لینے دو آنکھوں کے کشکول ذرا

[سید زبیر]

سعید خان نوشی گیلانی کے جیون ساتھی ہیں اور خود بھی بہت اچھا کلام کہتے ہیں
ان کی ایک غزل ساتھیوں کی خدمت میں پیش کر رہا ہوں

​

کھل جائے موسم کی رنگت ، کھل جائے ماحول ذرا​

دھوپ نگر کی دیوی اپنا روشن چہرہ کھول ذرا​

کہاں کہاں سے تیرے روپ کا درشن کرنے آئے ہیں​

بنجاروں کو بھر لینے دو آنکھوں کے کشکول ذرا​

اس بستی کے پتھر پھر سے ہنسنے گانے لگ جائیں گے​

میرا ! تو اپنے گیتوں سے روحوں میں رس گھول ذرا​

لوگ ، زمانہ ، اپنے ، پرائےسب موسم کے پنچھی ہیں​

تو آئے تو بن جاتا ہے جیون کا ماحول ذرا​

کب تک نین دریچوں سے بہلا کر پریت نبھانی ہے​

یاروں نے پھر دستک دی ہے دل دروازہ کھول ذرا​

وہ صحرا کی سب سے موہنی مورت کب آسان سعید​

عشق میں کچھ دن اور ابھی خود کو روہی میں رول ذرا​

سعید خان​

 

[محمداحمد]

کہاں کہاں سے تیرے روپ کا درشن کرنے آئے ہیں
بنجاروں کو بھر لینے دو آنکھوں کے کشکول ذرا

اس بستی کے پتھر پھر سے ہنسنے گانے لگ جائیں گے
میرا ! تو اپنے گیتوں سے روحوں میں رس گھول ذرا
واہ بہت خوب انتخاب ہے۔
خوش رہیے۔

 

[محمد وارث]

سعید خان صاحب واقعی اچھے شاعر ہیں۔ شکریہ سید صاحب ارسال فرمانے کیلیے۔

 

[نایاب]

بہت خوب شراکت

 

[کاشفی]

عمدہ انتخاب ہے۔۔بہت خوب!