سفر لاحاصل ۔ از ناعمہ عزیز

[ناعمہ عزیز]

زمیں سے آسمانوں تک
سفر جو آخری ہے نا
میں اسکی منزل آنے تک
گزرتے راستوں کے بیچ
فقط تیرےگماں پاؤں
بتا اے جانے والے تُو
کہاں تیرے نشاں پاؤں ؟
تصور سے حقیقت تک
میں ہر منظر میں کھو جاؤں
مگر آنکھوں کے کھلنے پر
میں ذہن و دل میں اندر تک
بہت آہ و فغاں پاؤں
بتا اے جانے والے تُو
کہاں تیرے نشاں پاؤں ؟
از:ناعمہ عزیز

 

[سلمان حمید]

واہ واہ کیا بات ہے
وزن میں آ ہی گئی ہو تم بہنا اور خیال بھی بہت اچھا ہے۔ لکھتی رہا کرو

 

[ناعمہ عزیز]

واہ واہ کیا بات ہے
وزن میں آ ہی گئی ہو تم بہنا اور خیال بھی بہت اچھا ہے۔ لکھتی رہا کرو

اللہ نا کرے میں کبھی وزن میں آؤں لالہ مجھے موٹا نہیں ہونا

 

[سلمان حمید]

اللہ نا کرے میں کبھی وزن میں آؤں لالہ مجھے موٹا نہیں ہونا

ہاہاہا پتلے بندے کی بھی کوئی زندگی ہے لالی۔ میں نے خود اتنی محنت سے آٹھ کلو وزن بڑھایا ہے پچھلے 5 مہینوں میں

 

[عمر سیف]

خوب

 

[شمشاد]

اللہ نا کرے میں کبھی وزن میں آؤں لالہ مجھے موٹا نہیں ہونا

ہاں جی 90 کلو وزن والی اگر موٹی نہیں تو بے شک موٹی نہ ہو۔

ویسے اچھا لکھا ہے۔ اور بقول سلمان بھائی کے وزن میں آتی جا رہی ہو۔

 

[ناعمہ عزیز]

ہاں جی 90 کلو وزن والی اگر موٹی نہیں تو بے شک موٹی نہ ہو۔

ویسے اچھا لکھا ہے۔ اور بقول سلمان بھائی کے وزن میں آتی جا رہی ہو۔

ہائیں یہ 90 کلو وزن کس کا ہے چاچو؟؟؟

 

[ماہی احمد]

بہت عمدہ ناعمہ
بہت اچھا لکھا ہے۔

 

[محمد اسامہ سَرسَری]

واہ ۔۔۔ بہت خوب۔۔۔

 

[شمشاد]

ہائیں یہ 90 کلو وزن کس کا ہے چاچو؟؟؟

مجھے کیا پتہ۔

 

[نوید رزاق بٹ]

بہت خوب

 

[ابن سعید]

میں اسکی منزل آنے میں
گزرتے راستوں کے بیچ
ترے سارے گماں پاؤں

میں اس کی منزل آنے تک
فقط تیرے گماں پاؤں

ایسا کچھ کر لیں پتر، اس سے "بیچ" کے وزن کا مسئلہ بھی حل ہو جائے گا اور معنویت میں بھی ایک مخصوص تبدیلی آ جائے گی۔ معنوی تبدیلی اس نوعیت کی ہوگی کہ کیا راستے بھر میں کسی کے حوالے سے تمام خیالات یکجا کرنا مقصود ہے؟ (یوں خیالات محدود ہو رہے ہیں کیوں کہ ان کا اتمام بیان ہو رہا ہے) یا پھر سارے راستے کسی کا خیال قائم رکھنا ہے؟ (جس کی کوئی انتہا نہیں۔)

خوابوں سے حقیقت تک

یہاں وزن کچھ ڈانوا ڈول ہو رہا ہے اس لیے اس کے شروع میں "میں" کا اضافہ کیا جا سکتا ہے لیکن ایسا کرنے سے بعد والے مصرعے کا "میں" بھونڈا لگے گا۔ لہٰذا اس میں کچھ یوں تبدیلی کی جا سکتی ہے:

تصور سے حقیقت تک

میں ذہن و دل کے اندر تک

میں ذہن و دل میں اندر تک

 

[طاھر جاوید]

واہ ۔۔۔ بہت خوب۔۔۔

 

[zeeakbar]

بہت عمده

 

[عینی مروت]

مگر آنکھوں کے کھلنے پر
میں ذہن و دل میں اندر تک
بہت آہ و فغاں پاؤں
بتا اے جانے والے تُو
کہاں تیرے نشاں پاؤں ؟

واہ! کیا خوب لکھا ہے ناعمہ!