سنا ہے حسن کو سب آنکھ بھر کے دیکھتے ہیں

[امجد علی راجا]

احمد فراز صاحب (اللہ پاک ان کی مغفرت فرمائے) کی زمین میں ایک تازہ غزل


سنا ہے حسن کو سب آنکھ بھر کے دیکھتے ہیں
اور ایک ہم ہیں، مسز کو بھی ڈر کے دیکھتے ہیں​

سنا ہے اس کو بھی ہے چوری چکاری سے شغف
ہمارا جوڑ ہے، پروپوز کر کے دیکھتے ہیں​

سنا ہے پہلی نظر کا نہیں گناہ کوئی
سو ہم بھی پہلی نظر آنکھ بھر کے دیکھتے ہیں​

ملی ہے نوکری جب سے ہماری بیگم کو
مزاج اور ہی اپنے سسر کے دیکھتے ہیں​

پھسل کے زینے سے بیگم زمیں پہ جا پہنچی
کہیں وہ بچ نہ گئی ہو اتر کے دیکھتے ہیں​

بنا ہی دیتے ہیں "بےبے" کو دلنشیں "بےبی"
عجیب معجزے ہم پارلر کے دیکھتے ہیں​

کسی بھی طور نہ شادی کا ذکر گھر میں چھڑا
بگڑ کے دیکھ لیا اب سدھر کے دیکھتے ہیں​

رہا جو حد میں تو محبوب سارے چھوڑ گئے
سو اب کہ عشق میں حد سے گزر کے دیکھتے ہیں​

پھدک پھدک کے یہ معدے میں جا دھڑکتا ہے
عجب تماشے دلِ منتظر کے دیکھتے ہیں​

نظر سے نرس بچی ہے نہ ڈاکٹر لیڈی
ہیں پاؤں قبر میں پر آہ بھر کے دیکھتے ہیں​

وہ ہوش آتے ہی بےہوش ہونے لگتے ہیں
مریض جیسے ہی بل ڈاکٹر کے دیکھتے ہیں​

درست ہاضمہ ہوتا ہے ان کا جوتوں سے
جو فصلِ حسن محلے کی چر کے دیکھتے ہیں​

بلوں سے جیب بھری ہے غریب لوگوں کی
یکم کے دن بھی جو پاکٹ کتر کے دیکھتے ہیں​

ہر ایک کام میں ذلت ہی گر مقدر ہے
تو اب کی بار سیاست بھی کر کے دیکھتے ہیں​

بھرا ہے کتنے غریبوں کا پیٹ اس کے سبب
یہ میٹرو سے کسی دن اتر کے دیکھتے ہیں​

تری زمیں میں چلا کر ٹریکٹر اپنا
فراز معجزے ہم بھی ہنر کے دیکھتے ہیں​

سنا ہے حسن الرجک ہے مونچھ سے راجا
سو ہم بھی عشق میں مونچھیں کتر کے دیکھتے ہیں​

 

[امجد علی راجا]

امجد میانداد ​

باباجی ذوالقرنین سید زبیر سید شہزاد ناصر الشفاء شوکت پرویز شیزان متلاشی محمد اسامہ سَرسَری محمد بلال اعظم محمداحمد مزمل شیخ بسمل مقدس مہ جبین نیرنگ خیال یوسف-2 بھلکڑ نایاب شمشاد افلاطون عینی شاہ ماہا عطا خرم شہزاد خرم عاطف بٹ زبیر مرزا فاتح نویدظفرکیانی منیب احمد فاتح نمرہ ​

محمد تابش صدیقی جاسمن محمد عدنان اکبری نقیبی محمد وارث محمد ریحان قریشی فرحان محمد خان عرفان قادر راحیل فاروق نوید ناظم محمد خلیل الرحمٰن عابدعلی خاکسار صادق انصاری کاشف اسرار احمد عاطف ملک انتہا صفی حیدر عظیم فرقان احمد وسیم خان امان اللہ زرگر ساگر حیدر عباسی فیضان قیصر

 

[عاطف ملک]

ہاہاہاہا۔۔۔۔۔کس کس شعر کی تعریف کروں۔
سبھی شعر لاجواب ہیں

سنا ہے ایسے وزارت پہ ہے نظر سب کی
کہ جیسے پوڈری ڈھکن گٹر کے دیکھتے ہیں​

مجھے تو "ڈھکن" پڑھنے میں زیادہ بہتر لگا

ملی ہے نوکری جب سے ہماری بیگم کو
مزاج اور ہی اپنے سسر کے دیکھتے ہیں​

نظر سے نرس بچی ہے نہ ڈاکٹر لیڈی
ہیں پاؤں قبر میں پر آہ بھر کے دیکھتے ہیں​

خاتون طبیب؟؟؟

سنا ہے ربط ہے اس کو دکانداروں سے
دکان لنڈے کے کچھ روز کرکے دیکھتے ہیں​

بلوں سے جیب بھرے ہیں غریب لوگوں کے
یکم کے دن بھی جو پاکٹ کتر کے دیکھتے ہیں​

ٹائپو؟؟

تری زمیں میں چلا کر ٹریکٹر اپنا
فراز معجزے ہم بھی ہنر کے دیکھتے ہیں​

واہ واہ۔۔۔۔لاجواب راجا بھیا
اور مقطع بھی بہت عمدہ۔
ڈھیر ساری داد!

 

[سید عمران]

فراز دیکھ لیتے یہ غزل...
تو دنیا میں کچھ دیکھنے کے لیے نہ بچتے!!!

 

[محمد تابش صدیقی]

لا جواب امجد بھائی.
کیا کھٹا میٹھا خراجِ تحسین ہے فراز کو.
بہت عمدہ.

 

[امجد علی راجا]

ہاہاہاہا۔۔۔۔۔کس کس شعر کی تعریف کروں۔
سبھی شعر لاجواب ہیں

مجھے تو "ڈھکن" پڑھنے میں زیادہ بہتر لگا




خاتون طبیب؟؟؟



ٹائپو؟؟

واہ واہ۔۔۔۔لاجواب راجا بھیا
اور مقطع بھی بہت عمدہ۔
ڈھیر ساری داد!

حوصلہ افزائی کے ساتھ ساتھ ٹائیپو کی نشاندہی کے لئے بھی شکریہ پیارے بھیا۔ جزاک اللہ

 

[امجد علی راجا]

فراز دیکھ لیتے یہ غزل...
تو دنیا میں کچھ دیکھنے کے لیے نہ بچتے!!!

ہو سکتا ہے خوش ہو کر اپنی غزل اٹھا مجھے پیش کر دیتے کہ لے بیٹا آج سے یہ غزل تیری

 

[امجد علی راجا]

لا جواب امجد بھائی.
کیا کھٹا میٹھا خراجِ تحسین ہے فراز کو.
بہت عمدہ.

حوصلہ افزائی کے لئے شکریہ تابش بھیا

 

[محمد وارث]

کیا کہنے راجا صاحب محترم، کیسے دھڑکتے ہوئے اور پھڑکتے ہوئے اشعار ہیں، اور خانگی اُمور پر آپ نے جو جگ بیتی بیان کی ہے بس ہمیں بھی پھڑکا گئی، واللہ

 

[آئی کے عمران]

بہت خوب واہ !واہ!
زبردست!

 

[امجد علی راجا]

کیا کہنے راجا صاحب محترم، کیسے دھڑکتے ہوئے اور پھڑکتے ہوئے اشعار ہیں، اور خانگی اُمور پر آپ نے جو جگ بیتی بیان کی ہے بس ہمیں بھی پھڑکا گئی، واللہ

حوصلہ افزائی کے لئے شکرگزار ہوں وارث بھیا، آپ جیسے صاحبِ علم اور باذوق استاد کی داد پانا دولتِ ہفت اقلیم پانے کے برابر ہے۔

 

[امجد علی راجا]

بہت خوب واہ !واہ!
زبردست!

شکریہ عمران بھیا

 

[سید شہزاد ناصر]

واہ واہ
کیا کہنے جناب کیا خوب غزل کہی ہے
لطف آیا پڑھ کر
اب کچھ خارش کی دوا بھی کر لیں

سنا ہے حسن کو سب آنکھ بھر کے دیکھتے ہیں
اور ایک ہم ہیں، مسز کو بھی ڈر کے دیکھتے ہیں

اللہ اللہ
شرافت کی نشانی ہے

سنا ہے ربط ہے اس کو دکانداروں سے
دکان لنڈے کی کچھ روز کرکے دیکھتے ہیں

سمجھ گیا سمجھ گیا آپ کے شوق

سنا ہے اس کو بھی ہے چوری چکاری سے شغف
ہمارا جوڑ ہے، پروپوز کر کے دیکھتے ہیں

ہیں یہ میں کیا سن رہا ہوں

سنا ہے پہلی نظر کا نہیں گناہ کوئی
سو ہم بھی پہلی نظر آنکھ بھر کے دیکھتے ہیں

یہ عمر گناہ و ثواب کے چکروں میں پڑنے کی نہیں
موج کرو
فلحال اتنا کافی ہے باقی پھر سہی

 

[جاسمن]

ہاہاہاہا۔
بہت مزے کی غزل۔
زبردست پہ ڈھیروں زبریں۔
تالیاں۔

 

[امجد علی راجا]

واہ واہ
کیا کہنے جناب کیا خوب غزل کہی ہے
لطف آیا پڑھ کر
اب کچھ خارش کی دوا بھی کر لیں

اللہ اللہ
شرافت کی نشانی ہے

سمجھ گیا سمجھ گیا آپ کے شوق

ہیں یہ میں کیا سن رہا ہوں

یہ عمر گناہ و ثواب کے چکروں میں پڑنے کی نہیں
موج کرو
فلحال اتنا کافی ہے باقی پھر سہی

اس سے اچھی دوا بھلا اور کیا ہو سکتی ہے۔
بہت بہت شکریہ حوصلہ افزائی کے لئے شاہ صاحب۔

 

[محمد عدنان اکبری نقیبی]

لاجواب راجا جی۔
جناب فراز صاحب فخر کر رہے ہوں گے اپنی غزل کی زمین پر کہ آپ نے چٹخارے دار ۔مرچ مصالحہ سے بھرپورغزل تخلیق کی ہے۔داد تحسین۔سلامت رہیں۔

 

[محمد ریحان قریشی]

لاجواب ہے جناب!
تمام اشعار بہت خوب ہیں۔

سنا ہے اس کو بھی ہے چوری چکاری سے شغف

یہ شاید یوں ہو
سنا ہے اس کو بھی چوری چکاری سے ہے شغف

 

[امجد علی راجا]

ہاہاہاہا۔
بہت مزے کی غزل۔
زبردست پہ ڈھیروں زبریں۔
تالیاں۔

حوصلہ افزائی کے لئے شکریہ آپی۔

 

[امجد علی راجا]

لاجواب راجا جی۔
جناب فراز صاحب فخر کر رہے ہوں گے اپنی غزل کی زمین پر کہ آپ نے چٹخارے دار ۔مرچ مصالحہ سے بھرپورغزل تخلیق کی ہے۔داد تحسین۔سلامت رہیں۔

حوصلہ افزائی کے لئے بہت بہت شکریہ عدنان بھیا۔ اس زمین میں پہلے ہی کافی شعراء نے پیروڈیز کہی ہوئی ہیں اس لئے گنجائش بہت کم تھی، معلوم نہیں سب کیسے ہو گیا؟
بہرحال آپ کا بہت بہت شکریہ حوصلہ افزائی فرمانے کے لئے۔ جزاک اللہ، خوش رہیں۔

 

[امجد علی راجا]

لاجواب ہے جناب!
تمام اشعار بہت خوب ہیں۔

یہ شاید یوں ہو
سنا ہے اس کو بھی چوری چکاری سے ہے شغف

حوصلہ افزائی کے لئے شکریہ ریحان بھیا۔
فراز صاحب کی غزل میں الفاظ کی ترتیب ایسے ہی تھی اس لئے میں نے وہی ترتیب رکھتے ہوئے شعروشاعری کو چوری چکاری سے بدل دیا۔