شو کمار بٹالوی سنیہا (شو کمار بٹالوی)

[غدیر زھرا]

کل نویں جد سال دا
سورج سنہری چڑھے گا
میریاں راتاں دا تیرے
ناں سنیہا پڑھے گا
تے وفا دا حرف اک
تیری تلی 'تے دھرے گا

توں وفا دا حرف اپنی
دھپّ 'چ جے پڑھ سکی
تاں تیرا سورج میریاں
راتاں نوں سجدہ کرے گا
تے روز تیری یاد وچ
اک گیت سولی چڑھے گا

پر وفا دا حرف ایہہ
اوکھا ہے ایڈا پڑھن نوں
راتاں دا پینڈا جھاگ کے
کوئی صدق والا پڑھے گا
اکھاں 'چ سورج بیج کے
تے ارتھ اس دے کرے گا

توں وفا دا حرف ایہہ
پر پڑھن دی کوشش کریں
جے پڑھ سکی تاں عشق تیرے
پیر سچے پھڑے گا
تے تاریاں دا تاج
تیرے سیس اپر دھرے گا

ایہہ وفا دا حرف پر
جے توں کِتے نہ پڑھ سکی
تاں مڑ محبت 'تے کوئی
اعتبار کیکن کرے گا
تے دھپّ وچ ایہہ حرف پڑھنوں
ہر زمانہ ڈرے گا

دنیا دے عاشق بیٹھ کے
تینوں خط جوابی لکھن گے
پچھن گے ایس حرف دی
تقدیر دا کی بنے گا
پچھن گے ایس حرف نوں
دھرتی 'تے کہڑا پڑھیگا

دنیا دے عاشقاں نوں وی
اتر جے توں نہ موڑیا
تاں دوش میری موت دا
تیرے سر زمانہ مڑھے گا
تے جگّ میری موت دا
سوگی سنیہا پڑھے گا

(شو کمار بٹالوی)
​

 

[عبدالقیوم چوہدری]

صحیح ویلے تےبوہت ای ودهیا رلتی کیتی جے

 

[ہارون اعجاز]

بنہوں ودیا وقت دی مناسبت نال

 

[غدیر زھرا]

صحیح ویلے تےبوہت ای ودهیا رلتی کیتی جے

بہت شکریہ

 

[غدیر زھرا]

بنہوں ودیا وقت دی مناسبت نال

شکر گزار ہوں سر

 

[رومانہ چوہدری]

بہت خوب

راتاں دا پینڈا جھاگ کے

جاگ کے پنجابی تلفظ میں ھ آئے گی ! یا پھر یہ کوئی اور لفظ ہے !!