سوچدا ہاں ویکھ کے نِت ڈِگدے مستی وِچ پیار - (برکت رام یُمن)

[شمشاد]

سوچدا ہاں ویکھ کے نِت ڈِگدے مستی وِچ پیار
کُجھ نہ کُجھ تاں پی کے ٹھیڈے کھان دے وِچ ہے سواد

پین وچ وی رِند نوں اونا ں نہ شاید مِل سکے
ساقیا ! جِناں تیرے ترسان دے وچ ہے سواد

چُپ نہ کر مُلاں ! ذرا ٹُریا چل آپنی لیک تے
آؤن لگا کُجھ تیرے سمجھان دے وِچ ہے سواد

توں سمجھنا ایں، تیرے کُھل جان لئی ہاں لوچدا
مَیتھوں پُچھ، کِنا تیرے شرمان دے وچ ہے سواد

دِل توں چاہُندے وی زبانو ں ہاں کیوں نہیں آکھدے
آپ ہی جانو کہ کیہ کلپان دے وِچ ہے سواد

کیہ سواد آیا ’یُمن‘ عشقوں بچا لئی زندگی
یار دے ناں توں فِدا ہو جان دے وِچ ہے سواد
(برکت رام یُمن)