سویرے جو کل آنکھ میری کھلی ۔ محمد حسین آزاد

[فرخ منظور]

صبح کی سیر
سویرے جو کل آنکھ میری کھلی
عجب تھی بہار اور عجب سیر تھی

خوشی کا تھا وقت اور ٹھنڈی ہوا
پرندوں کا تھا ہر طرف چہچہا

یہی جی میں آئی کہ گھر سے نکل
ٹہلتا ٹہلتا ذرا باغ چل

چھڑی ہاتھ میں لے کے گھر سے چلا
اورپھر باغ کا سیدھا رستہ لیا

وہاں اور ہی جا کے دیکھی بہار
درختوں کی ہے ہر طرف اک قطار

کھلے پھول ہیں اس قدر جا بجا
کہ خوشبو سے ہے باغ مہکا ہوا

کہیں آم ہیں اور کہیں ہیں انار
کہیں کھٹے میٹھے ہیں دیتے بہار

خدا نے ہماری خوشی کے لیے
یہ سامان سارے ہیں پیدا کیے

سویرے ہی اٹھے گا جو آدمی
رہے گا وہ دن بھر ہنسی اور خوشی

نہ آئے گی سستی کبھی نام کو
کرے گا خوشی سے وہ ہر کام کو

رہے گا وہ بیماریوں سے بچا
یہ ہے سو دواؤں سے بہتر دوا

(محمد حسین آزاد)​

 

[شکیل احمد خان23]

یادش بخیر !مولانا محمد حسین آزاد؛ اُردُو کے بے مثل تمثیل نگار، نظم ِ جدید کے بانی اور بلندپایہ نقاد، ماہرِ لسانیات،تاریخ داں اور محقق۔اُردُو کے عناصرِ خمسہ میں شامل۔وہ صرف ’’۔آبِ حیات ‘‘لکھ دیتے تو اُنھیں اُردُو ادب کبھی بھلا نہیں سکتا تھا،وہ محض ’’نیرنگِ خیال ‘‘ لکھ کرشاعرانہ نثر کی دنیا کے حاکم ہوسکتے تھے ،اُنھیں ’’دربارِ اکبری‘‘۔اُردُو کے بہترین تاریخ نویسوں میں بلند رتبہ دلانے کے لیے کافی تھی لیکن ہم دیکھتے ہیں کہ علم و ہنر کا ہفت اقلیم اُن کے قلم کے آگے یوں مسخر ہوا کہ اب تک اُن کے لکھے ہوئے ایک ایک لفظ کو اِسم اعظم کی حیثیت حاصل ہے۔۔۔۔۔۔



​

 

[فرخ منظور]

یادش بخیر !مولانا محمد حسین آزاد؛ اُردُو کے بے مثل تمثیل نگار، نظم ِ جدید کے بانی اور بلندپایہ نقاد، ماہرِ لسانیات،تاریخ داں اور محقق۔اُردُو کے عناصرِ خمسہ میں شامل۔وہ صرف ’’۔آبِ حیات ‘‘لکھ دیتے تو اُنھیں اُردُو ادب کبھی بھلا نہیں سکتا تھا،وہ محض ’’نیرنگِ خیال ‘‘ لکھ کرشاعرانہ نثر کی دنیا کے حاکم ہوسکتے تھے ،اُنھیں ’’دربارِ اکبری‘‘۔اُردُو کے بہترین تاریخ نویسوں میں بلند رتبہ دلانے کے لیے کافی تھی لیکن ہم دیکھتے ہیں کہ علم و ہنر کا ہفت اقلیم اُن کے قلم کے آگے یوں مسخر ہوا کہ اب تک اُن کے لکھے ہوئے ایک ایک لفظ کو اِسم اعظم کی حیثیت حاصل ہے۔۔۔۔۔۔



​

یہ بھی بتا دیتے کہ دفن کہاں ہیں؟

 

[شکیل احمد خان23]

یہ بھی بتا دیتے کہ دفن کہاں ہیں؟

لاہور

 

[سید عاطف علی]

کیا دربار اکبری انٹرنیٹ پر ملے گی ؟
فرخ منظور بھائی شکیل احمد خان23 بھائی

 

[الف نظامی]

محمد حسین آزاد ہوراں پنجابی زبان وچ کُجھ لکھیا ہووے تے رلتی کرو۔

 

[عبید انصاری]

کیا دربار اکبری انٹرنیٹ پر ملے گی ؟
فرخ منظور بھائی شکیل احمد خان23 بھائی

یہاں سے اتار سکتے ہیں۔

 

[عبید انصاری]

فرخ بھائی کی مہربانی سے آج یہ نظم پڑھنے کو ملی ورنہ مطلع سے تو پطرس کا مضمون ہی یاد آتا ہے۔

 

[فرخ منظور]

محمد حسین آزاد ہوراں پنجابی زبان وچ کُجھ لکھیا ہووے تے رلتی کرو۔

میرا خیال اے کہ پنجابی وچ کج نہیں لکھیا کیونکہ اونھاں دی مادری زبان تے اردو ہی سی۔ جنگِ آزادی وچ دلی اجڑن توں بعد لہور آ گئے اور اوس دور توں بعد ای پنجاب وچ اردو دا عمل دخل زیادہ شروع ہویا، کیونکہ بہت سارے اردو ادیب جنگِ آزادی توں بعد لہور آ گئے۔تے دلچسپ گل ایہ اے کہ محمد حسین آزاد لہور وچ کربلا گامے شاہ وچ دفن نیں۔

 

[الف نظامی]

میرا خیال اے کہ پنجابی وچ کج نہیں لکھیا کیونکہ اونھاں دی مادری زبان تے اردو ہی سی۔ جنگِ آزادی وچ دلی اجڑن توں بعد لہور آ گئے اور اوس دور توں بعد ای پنجاب وچ اردو دا عمل دخل زیادہ شروع ہویا، کیونکہ بہت سارے اردو ادیب جنگِ آزادی توں بعد لہور آ گئے۔تے دلچسپ گل ایہ اے کہ محمد حسین آزاد لہور وچ کربلا گامے شاہ وچ دفن نیں۔

اینہاں دے پوترے آغا باقر دے پُتر آغا سلمان باقر وی لہور وچ رہندے نیں۔