نوید صادق
محفلین
غزل
سُو بہ سو وحشتِ صحرا نہیں دیکھی جاتی
یہی دُنیا ہے تو دُنیا نہیں دیکھی جاتی
عشق ہوتا ہے بہرحال عجب حال میں گم
اس میں پیمائشِ فردا نہیں دیکھی جاتی
دیکھنا یہ ہے کہ اپنوں کا تقاضا کیا ہے
وسعتِ ظرفِ تقاضا نہیں دیکھی جاتی
جب سے دیکھا ہے تجھے آئنۂ دُنیا میں
صورتِ آئنہ تنہا نہیں دیکھی جاتی
حُسنِ کم فہم پہ جلدی سے لپکنے والی
کوئی بھی آنکھ ہو رُسوا‘ نہیں دیکھی جاتی
اس لیے سطح پہ آ نکلی ہے موجِ گزراں
حالتِ غم تہِ دریا نہیں دیکھی جاتی
دیکھ لی ہم نے بہت کج نظروں کی دُنیا
حسرتِ دیدۂ بینا نہیں دیکھی جاتی
ہو گئی اور ہی کچھ اپنے زمانے کی ہوا
اور اب اس سے زیادہ نہیں دیکھتی جاتی
دیکھنے والے تو بس دیکھ رہے ہیں خالد
کیا تمنا ہے ‘ تمنا نہیں دیکھتی جاتی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(خالد علیم)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شکریہ ماہنامہ بیاض، لاہور
سُو بہ سو وحشتِ صحرا نہیں دیکھی جاتی
یہی دُنیا ہے تو دُنیا نہیں دیکھی جاتی
عشق ہوتا ہے بہرحال عجب حال میں گم
اس میں پیمائشِ فردا نہیں دیکھی جاتی
دیکھنا یہ ہے کہ اپنوں کا تقاضا کیا ہے
وسعتِ ظرفِ تقاضا نہیں دیکھی جاتی
جب سے دیکھا ہے تجھے آئنۂ دُنیا میں
صورتِ آئنہ تنہا نہیں دیکھی جاتی
حُسنِ کم فہم پہ جلدی سے لپکنے والی
کوئی بھی آنکھ ہو رُسوا‘ نہیں دیکھی جاتی
اس لیے سطح پہ آ نکلی ہے موجِ گزراں
حالتِ غم تہِ دریا نہیں دیکھی جاتی
دیکھ لی ہم نے بہت کج نظروں کی دُنیا
حسرتِ دیدۂ بینا نہیں دیکھی جاتی
ہو گئی اور ہی کچھ اپنے زمانے کی ہوا
اور اب اس سے زیادہ نہیں دیکھتی جاتی
دیکھنے والے تو بس دیکھ رہے ہیں خالد
کیا تمنا ہے ‘ تمنا نہیں دیکھتی جاتی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(خالد علیم)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شکریہ ماہنامہ بیاض، لاہور
