سچ کی صلیب

[یوسف-2]

 

[شمشاد]

سچ کی صلیب​

​

کاش کہ میں بھی جھوٹا ہوتا​

یا پھر تم ہی سچے ہوتے​

ہم تم میں یہ فرق نہ ہوتا​

جھوٹ کی ارضی جنت نہ ہوتی​

سچ کی صلیب پہ دنیا نہ چڑھتی​

کاش کہ میں بھی جھوٹا ہوتا​

**************************​

​

اس جنت سے گو صلیب بھلی ہے​

مجھ کو کب یہ تاب ملی ہے​

پھر میں کیسے منہ کو کھولوں​

میں جو بولوں، کیسے بولوں​

ہمہ تن گوش کیوں کر رہوں میں​

کانوں کو جو بند کروں میں ​

کاش کہ میں بھی جھوٹا ہوتا​

**************************​

​

یا رب! یا پھر ایسا ہوتا​

گونگا ہوتا، بہرا ہوتا​

نہ جھوٹ کی جنت میں جینا ہوتا​

نہ سچ کی صلیب پہ مرنا ہوتا​

کاش میں گونگا، بہرا ہوتا​