سید الطاف حسین شاہ عاجز دی پنجابی شاعری

[ڈاکٹر عباس]

پیو نالوں اج پتر وڈا
ماں نالوں اے سیانی دہی
پتر دھی اج پیو نوں کہندے
چپ کر ابا ۔تینوں کی

 

[محمد وارث]

بہت شکریہ تہاڈا ڈاکٹر صاحب، خوبصورت شعر شیئر کیتے تساں

 

[جہانزیب]

گل تے کُج ایہو جئی ای اے ۔

 

[ڈاکٹر عباس]

ممبر اسمبلی اپنے سانگھڑ دے ووٹر نوں کیہ رہیا اے

تہاڈے کول میں آ نہی سکیا
کردا رہیاں میں ہر ویلے یاد
میں نہی آیا ۔تسی آجاندے
کہڑا دور سی اسلام آباد۔

 

[سجادعلی]

ڈاکٹر صاحب کمال کر دِتا جے

 

[ڈاکٹر عباس]

کمال تے شاعر نے کیتا اے۔

 

[محمد وارث]

ڈاکٹر صاحب پر ساہنوں کیوں لگدا اے کہ اے سارا کمال تہاڈا ہی ہے

 

[ڈاکٹر عباس]

وارث پاجی اے تہاڈی مہربانی اے۔

 

[ڈاکٹر عباس]

جرم کیتا اونے بہت وڈا
جننے ددھ وچ پانی پایا
اودا اتیھے کوئی قصور نہی
جننے پانی دا ددھ بنایا۔​

 

[محمد وارث]

واہ جی واہ ڈاکٹر صاحب، بہت خوب کلام اے، شکریہ تہاڈا اک واری فیر

 

[جہانزیب]

بڑی مہربانی ایہہ سب شئیر کرنڑ‌ لئی ۔

 

[فرحت کیانی]

پیو نالوں اج پتر وڈا
ماں نالوں اے سیانی دہی
پتر دھی اج پیو نوں کہندے
چپ کر ابا ۔تینوں کی

اک کوڑا سچ

 

[ڈاکٹر عباس]

کل شاعر صاحب بنفسِ نفیس میرے کول تشریف لے کے آئے سن۔اونا نوں انجائنا دی تکلیف سی۔
اپنی شاعیری نوں ویکھ کے بڑے خوش ہوے۔تہاڈا سباں دا شکریہ ادا کر رہے سن۔

 

[ڈاکٹر عباس]

اک کوڑا سچ

بہن جی جے کاف نوں پیش نال پڑہیے تے فیر

 

[محمد وارث]

کل شاعر صاحب بنفسِ نفیس میرے کول تشریف لے کے آئے سن۔اونا نوں انجائنا دی تکلیف سی۔
اپنی شاعیری نوں ویکھ کے بڑے خوش ہوے۔تہاڈا سباں دا شکریہ ادا کر رہے سن۔

واہ جی واہ ڈاکٹر صاحب، ساڈی طرفوں وی شاہ صاحب دا شکریہ ادا کرو تو ساڈی نیک دعاواں انہاں تک پہنچاؤ کہ اللہ تعالٰی انہاں نوں صحتِ کاملہ عطا کرن۔

 

[ڈاکٹر عباس]

نہ کوئی ایتھے تیرے ورگا
نہ کوئی میرے جیا ہور
اسیں دونویں آں کھاون والے
توں وی چور ۔تے میں وی چور

 

[ڈاکٹر عباس]

غریب جدوں خوش حال ہون گے
او وی دن کمال ہون گے
ہر سال اس امید وچ گزرے
ہن نہی ،اگلے سال ہون گے​

 

[محمد وارث]

واہ جی واہ، بہت ودھیا کلام اے، شکریہ ڈاکٹر صاحب ساڈے نال شیئر کرن لئی

 

[ڈاکٹر عباس]

شاہ صاحب بہت جلدی تازہ کلام عنایت کرن گے ۔انشاءاللہ تہاڈے نال شیئر کراں گا۔

 

[محمد وارث]

اسی منتظر آں ڈاکٹر صاحب!