سینے میں جلن آنکھوں میں طوفان سا کیوں ہے - کلام: شہریار

[فرخ منظور]

سینے میں جلن آنکھوں میں طوفان سا کیوں ہے - کلام: شہریار، پلے بیک: سریش واڈیکر فلم: گمن

[ame="http://www.youtube.com/watch?v=1otqB0IOQSg"]YouTube - Seene mein jalan aankhon mein toofan - Gaman[/ame]

 

[تعبیر]

السلام علیکم

سخنور جی آپ سے بات کیے کافی دن ہو گئے تھے اور میں سوچ ہی رہی تھی کہ آپ سے پوچھوں کہ کافی دن سے کچھ نیا شیئر نہیں کیا۔ اور آج میری فرمائش پوری بھی ہوگئی۔ شکریہ

بہت خوب،مزا آگیا
میں ساتھ میں گنگنا بھی رہی ہوں
سینے میں جلن انکھوں میں طوفان سا کیوں ہے
واہ واہ

 

[فاتح]

یہی تو پتا نہیں چلتا ہاہاہا

 

[فرخ منظور]

السلام علیکم

سخنور جی آپ سے بات کیے کافی دن ہو گئے تھے اور میں سوچ ہی رہی تھی کہ آپ سے پوچھوں کہ کافی دن سے کچھ نیا شیئر نہیں کیا۔ اور آج میری فرمائش پوری بھی ہوگئی۔ شکریہ

بہت خوب،مزا آگیا
میں ساتھ میں گنگنا بھی رہی ہوں
سینے میں جلن انکھوں میں طوفان سا کیوں ہے
واہ واہ

بہت شکریہ آپ کا تعبیر جی - بس موسیقی تو ہروقت ہی میرے ذہن میں رہتی ہے لیکن ذہن سے باہر کبھی کبھی آتی ہے -

 

[فرخ منظور]

یہی تو پتا نہیں چلتا ہاہاہا

راہ آسان ہوگئی ہوگی
جان پہچان ہوگئی ہوگی
تیری زلفوں کو چھیڑتی تھی صبا
خود پریشان ہوگئی ہوگی

 

[تعبیر]

بہت شکریہ آپ کا تعبیر جی - بس موسیقی تو ہروقت ہی میرے ذہن میں رہتی ہے لیکن ذہن سے باہر کبھی کبھی آتی ہے -

اسے کبھی کبھی نہیں بلکہ اکثر باہر یعنی یہاں لایا کریں۔ اس بہانے ہمیں بھی کچھ اچھا سننے کو مل جاتا ہے

 

[فرخ منظور]

اسے کبھی کبھی نہیں بلکہ اکثر باہر یعنی یہاں لایا کریں۔ اس بہانے ہمیں بھی کچھ اچھا سننے کو مل جاتا ہے

بہت شکریہ میں اب ایسا کرتا رہتا ہوں -

 

[کاشفی]

تعارف شاعر: پروفیسر شہریار - اصل نام کُنور اخلاق محمد خان۔

جون 1936 کو آنولہ ، ضلع بریلی ، اُتر پردیش میں پیدا ہُوئے۔
ابتدائی تعلیم ہردوئی میں حاصل کی۔ 1948 میں علی گڑھ آئے ۔
1961 میں اردو میں ایم اے کیا۔
1966 میں لیکچرر ہوئے۔
1996 میں پروفیسر اور صدر اردو کی حیثیت سے ریٹائر ہوئے۔

سینے میں جلن آنکھوں میں طوفان سا کیوں ہے
اِس شہر میں ہر شخص پریشان سا کیوں ہے

دِل ہے تو دھَڑکنے کا بہانہ کوئی ڈھونڈے
پتھر کی طرح بے حِس و بے جان سا کیوں ہے

!تنہائی کی یہ کون سی منزل ہے رفیقو
تا حدِ نظر ایک بیابان سا کیوں ہے

ہم نے تو کوئی بات نکالی نہیں غم کی
وہ زُود پشیمان ، پشیمان سا کیوں ہے

کیا کوئی نئی بات نظر آتی ہے ہم میں
آئینہ ہمیں دیکھ کے حیران سا کیوں ہے​

بشکریہ: نادر خان سَرگِروہ ، مکہ مکرمہ

 

[الف عین]

فرخ کی اس پوسٹ سے میں یہی سمجھا کہ انھوں نے کلام پوسٹ کیا ہے، بعد میں دیکھا کہ یہ تو موسیقی کی ذیلی فورم ہے۔ اب کاشفی نے پوسٹ کیا ہے، شکریہ۔ عرصے سے خواہش تھی کہ شہریار کا کوئی کلام نیٹ پر دستیاب نہیں ہے۔ کچھ ٹائپ کیا تھا، لیکن وہ خرد برد ہو گیا، گھر میں دیکھتا ہوں کہ ایک دو اشعار اور ہیں کیا اس میں۔

 

[فرخ منظور]

اعجاز صاحب میں بہت عرصے سے آپ سے یہ کہنا چاہتا تھا کہ آپ کو چاہیے کہ آپ انڈیا کے شعرا کے کلام سے ہمیں نوازیں۔ لیکن آپ بھی ہمیشہ پاکستانی شعرا کا کلام ہی پوسٹ کرتے ہیں۔ حالآنکہ وہ کلام تو پاکستان میں آسانی سے دستیاب ہے۔ لیکن انڈیا کے شعرا کا کلام یہاں نہیں ملتا ورنہ میں خود شہریار کا کلام پوسٹ کرتا۔ آپ سے گزارش ہے کہ ہمیں آپ انڈیا کے شعرا کے کلام سے بھی نوازا کریں۔ بہت شکریہ!

 

[مغزل]

بہت خوب جناب واہ

 

[جیہ]

شہناز بیگم میری پسندیدہ گلو کاراؤں میں سے ایک ہے۔ اس کی گائی ہوئی ایک غزل اگر مل جائے تو کیا کہنے۔

کہاں ہو تم چلے آؤ محبت کا تقاضا ہے

 

[dxbgraphics]

یہ کیا ہم دیکھنے کو آئے اور آپ نے ویڈیو ہٹا دی

 

[فرخ منظور]

یہ کیا ہم دیکھنے کو آئے اور آپ نے ویڈیو ہٹا دی

پرانا لنک کام نہیں کر رہا تھا اب نیا لنک ڈال دیا ہے ۔ اب دیکھیں۔