نور وجدان
لائبریرین
شاعرہ کیونکر بَنی ہو تم۔۔۔۔؟
ارشاد عرؔ شی ملک
وہ اکثر پُوچھتے ہیں،شاعرہ کیوں کر بنی ہو تم۔۔۔؟
تو پڑ جاتی ہوں گہری سوچ میں ،سمجھا نہیں سکتی
جَنوُں کے تنگ رستوں پر اُنہیں لے جا نہیں سکتی
طلسماتی ،جزیرے کی فصیلیں ڈھا نہیں سکتی
وہ اندر جا نہیں سکتے ،میں باہر آنہیں سکتی
۔۔۔۔۔۔۔۔۔۔۔۔۔۔۔۔۔۔
مگر جی چاہتا ہے پُوچھنے والوں سے یہ پُوچھوں
کبھی تنہائی کا کربِ مسلسل ،تم نے جَھیلا ہے۔۔؟
بنا کر سوچ کو نِشتر ،کبھی یادوں سے کھیلا ہے۔۔؟
سجایا شب کی خِلوت میں ،کبھی زخموں کا میلہ ہے۔۔؟
کبھی گَنے کی طرح ،پیلنے میں خود کو پَیلا ہے۔۔؟
۔۔۔۔۔۔۔۔۔۔۔۔۔۔۔۔۔۔۔
اکیلے میں کبھی خود سے مسلسل گُفتگو کی ہے۔۔؟
نَمی اشکوں کی چائے میں کبھی گھولی؟ کبھی پی ہے۔۔؟
کبھی چَرکا لگا جس ہاتھ سے، اُس کو دُعا دی ہے۔۔؟
بشاشت کی سجیلی اوڑھنی ،پھاڑی؟کبھی سِی ہے۔۔؟
۔۔۔۔۔۔۔۔۔۔۔۔۔۔۔۔۔۔۔
خزاں رُت کی اُداسی ،دل کے آنگن میں اُتاری ہے۔۔؟
کبھی جیتی ہوئی بازی ،لبِ خنداں سے ہاری ہے۔۔؟
کبھی چاہت سے کی،سوزِ نہاں کی آبیاری ہے۔۔؟
تہائی عُمر کی ،اپنے گلے لگ کر گُزاری ہے۔۔؟
۔۔۔۔۔۔۔۔۔۔۔۔۔۔۔۔۔۔۔۔
کبھی قرطاسِ غم پر،درد کے چہرے بنائے ہیں۔۔؟
کبھی تیرہ شبوں میں شعر لکھ کر،گُنگنائے ہیں ۔۔؟
کبھی لہجوں نے،لفظوں نے تمہیں چرکے لگائے ہیں ۔۔؟
کبھی کترا کے گُزرے تم سے اپنے اور پرائے ہیں۔۔؟
۔۔۔۔۔۔۔۔۔۔۔۔۔۔۔۔۔۔۔۔۔
کبھی یادوں کی بکھری کرچیاں ،رو کر چُنیں تم نے۔۔؟
کبھی جنگل میں زخمی کُونج کی چیخیں سُنیں تم نے۔۔؟
کبھی جاڑے کی شب میں آس کی شالیں بُنیں تم نے۔۔؟
کبھی "جی جی " کہا پیہم ، سُنی گر چہ "نہیں " تم نے۔۔؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کبھی گھنٹوں تلک کھڑکی سے باہر ،بے سبب دیکھا۔۔؟
کبھی نرمی ہواؤں کی ، کبھی غیظ و غضب دیکھا۔۔؟
کبھی سینے میں اِک زخمی پرندہ ،جاں بلب دیکھا۔۔؟
کبھی دل کو تھپکتا والہانہ ،دستِ ربّ دیکھا۔۔؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر تُم پر نہیں گُزرے ،یہ موسم دل فگاری کے
نہیں برسے ،تمہارے گھر میں ساون ،اشک باری کے
مواقع تم کو حاصل ہیں جہاں میں شہر یاری کے
تو تم کیسے سمجھ پاؤ گے دُکھ ،بے اختیاری کے۔۔؟
۔۔۔۔۔۔۔۔۔۔۔۔۔۔۔۔۔۔۔۔۔۔۔
سو مت پُوچھا کرو کہ شاعرہ کیوں کر بَنی ہوں میں؟
جو چاہوں بھی تو لفظوں میں تمہیں سمجھا نہیں سکتی
جو دل سہتا ہے روز و شب، اسے دھرا نہیں سکتی
ہُمکتے درد کا چہرہ ، تمہیں دکھلا نہیں سکتی
جو نظموں میں جھلکتی ہے، اُسی عرؔ شی سے تم مِل لو
جو، اس کے پار ہے، اُس سے تمہیں ملوا نہیں سکتی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشاد عرؔ شی ملک
وہ اکثر پُوچھتے ہیں،شاعرہ کیوں کر بنی ہو تم۔۔۔؟
تو پڑ جاتی ہوں گہری سوچ میں ،سمجھا نہیں سکتی
جَنوُں کے تنگ رستوں پر اُنہیں لے جا نہیں سکتی
طلسماتی ،جزیرے کی فصیلیں ڈھا نہیں سکتی
وہ اندر جا نہیں سکتے ،میں باہر آنہیں سکتی
۔۔۔۔۔۔۔۔۔۔۔۔۔۔۔۔۔۔
مگر جی چاہتا ہے پُوچھنے والوں سے یہ پُوچھوں
کبھی تنہائی کا کربِ مسلسل ،تم نے جَھیلا ہے۔۔؟
بنا کر سوچ کو نِشتر ،کبھی یادوں سے کھیلا ہے۔۔؟
سجایا شب کی خِلوت میں ،کبھی زخموں کا میلہ ہے۔۔؟
کبھی گَنے کی طرح ،پیلنے میں خود کو پَیلا ہے۔۔؟
۔۔۔۔۔۔۔۔۔۔۔۔۔۔۔۔۔۔۔
اکیلے میں کبھی خود سے مسلسل گُفتگو کی ہے۔۔؟
نَمی اشکوں کی چائے میں کبھی گھولی؟ کبھی پی ہے۔۔؟
کبھی چَرکا لگا جس ہاتھ سے، اُس کو دُعا دی ہے۔۔؟
بشاشت کی سجیلی اوڑھنی ،پھاڑی؟کبھی سِی ہے۔۔؟
۔۔۔۔۔۔۔۔۔۔۔۔۔۔۔۔۔۔۔
خزاں رُت کی اُداسی ،دل کے آنگن میں اُتاری ہے۔۔؟
کبھی جیتی ہوئی بازی ،لبِ خنداں سے ہاری ہے۔۔؟
کبھی چاہت سے کی،سوزِ نہاں کی آبیاری ہے۔۔؟
تہائی عُمر کی ،اپنے گلے لگ کر گُزاری ہے۔۔؟
۔۔۔۔۔۔۔۔۔۔۔۔۔۔۔۔۔۔۔۔
کبھی قرطاسِ غم پر،درد کے چہرے بنائے ہیں۔۔؟
کبھی تیرہ شبوں میں شعر لکھ کر،گُنگنائے ہیں ۔۔؟
کبھی لہجوں نے،لفظوں نے تمہیں چرکے لگائے ہیں ۔۔؟
کبھی کترا کے گُزرے تم سے اپنے اور پرائے ہیں۔۔؟
۔۔۔۔۔۔۔۔۔۔۔۔۔۔۔۔۔۔۔۔۔
کبھی یادوں کی بکھری کرچیاں ،رو کر چُنیں تم نے۔۔؟
کبھی جنگل میں زخمی کُونج کی چیخیں سُنیں تم نے۔۔؟
کبھی جاڑے کی شب میں آس کی شالیں بُنیں تم نے۔۔؟
کبھی "جی جی " کہا پیہم ، سُنی گر چہ "نہیں " تم نے۔۔؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کبھی گھنٹوں تلک کھڑکی سے باہر ،بے سبب دیکھا۔۔؟
کبھی نرمی ہواؤں کی ، کبھی غیظ و غضب دیکھا۔۔؟
کبھی سینے میں اِک زخمی پرندہ ،جاں بلب دیکھا۔۔؟
کبھی دل کو تھپکتا والہانہ ،دستِ ربّ دیکھا۔۔؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر تُم پر نہیں گُزرے ،یہ موسم دل فگاری کے
نہیں برسے ،تمہارے گھر میں ساون ،اشک باری کے
مواقع تم کو حاصل ہیں جہاں میں شہر یاری کے
تو تم کیسے سمجھ پاؤ گے دُکھ ،بے اختیاری کے۔۔؟
۔۔۔۔۔۔۔۔۔۔۔۔۔۔۔۔۔۔۔۔۔۔۔
سو مت پُوچھا کرو کہ شاعرہ کیوں کر بَنی ہوں میں؟
جو چاہوں بھی تو لفظوں میں تمہیں سمجھا نہیں سکتی
جو دل سہتا ہے روز و شب، اسے دھرا نہیں سکتی
ہُمکتے درد کا چہرہ ، تمہیں دکھلا نہیں سکتی
جو نظموں میں جھلکتی ہے، اُسی عرؔ شی سے تم مِل لو
جو، اس کے پار ہے، اُس سے تمہیں ملوا نہیں سکتی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
