شام تک پھر رنگ خوابوں کا بکھر جائے گا کیا

[لاریب مرزا]

شام تک پھر رنگ خوابوں کا بکھر جائے گا کیا
رائگاں ہی آج کا دن بھی گزر جائے گا کیا

ڈھونڈنا ہے گھپ اندھیرے میں مجھے اک شخص کو
پوچھنا سورج ذرا مجھ میں اتر جائے گا کیا

مانتا ہوں گھٹ رہا ہے دم ترا اس حبس میں
گر یہی جینے کی صورت ہے تو مر جائے گا کیا

عین ممکن ہے بجا ہوں تیرے اندیشے مگر
دیکھ کر اب اپنے سائے کو بھی ڈر جائے گا کیا

سوچ لے پرواز سے پہلے ذرا پھر سوچ لے
ساتھ لے کر یہ شکستہ بال و پر جائے گا کیا

ایک ہجرت جسم نے کی ایک ہجرت روح نے
اتنا گہرا زخم آسانی سے بھر جائے گا کیا

(خوشبیر سنگھ شادؔ)

 

[محمد عدنان اکبری نقیبی]

ایک ہجرت جسم نے کی ایک ہجرت روح نے
اتنا گہرا زخم آسانی سے بھر جائے گا کیا

واہ بہنا ،
کیا عمدہ انتخاب ہے۔

 

[لاریب مرزا]

واہ بہنا ،
کیا عمدہ انتخاب ہے۔

بہت شکریہ عدنان بھائی!!

 

[جان]

شام تک پھر رنگ خوابوں کا بکھر جائے گا کیا
رائگاں ہی آج کا دن بھی گزر جائے گا کیا

واہ۔