شام کے سرمئی اندھیروں میں۔۔۔ علی شیر

[محسن حجازی]

[youtube]

​

شام کے سرمئی اندھیروں میں یوں میرے دل کے داغ جلتے ہیں
جیسے پربت کے سبز پیڑوں پر برف کے بعد دھوپ پڑتی ہے
جیسے صحرا کی ریت اڑ اڑ کر اجنبی کا طواف کرتی ہے۔۔۔

شام کے سرمئی اندھیروں میں۔۔۔

دور کر رہ کر جو دل میں رہتا ہے وہ ستم گر بھی غیر کہتا ہے
کتنی معصوم آرزؤں کو اس طرح لوگ توڑ جاتے ہیں
جیسے دم توڑتے مسافر کو قافلے والے چھوڑ جاتے ہیں۔۔۔

شام کے سرمئی اندھیروں میں۔۔۔

آہیں بھرتا ہوں اشک پیتا ہوں روز مرتا ہوں پھر بھی جیتا ہوں
تیری یادوں کی تشنگی اب تک یوں میرے دل کو تھام لیتی ہے
جیسے اک تازہ قبر پر بیوہ مرنے والے کا نام لیتی ہے۔۔۔

 

[زھرا علوی]

بہت خوبصورت نظم ہے محسن ۔۔۔
مجھے بھی بہت پسند ہے۔۔۔پوسٹ کرنے کا شکریہ۔۔۔

 

[تعبیر]

علی شیر اچھا سنگر ہے پر بے چارے کی کوئی قدر ہی نہیں

 

[علی امان]

اس نظم کے شاعر کا نام کسی کو معلوم ہو تو بتادیں۔ بہت شکریہ۔

 

[عبدالمعز]

اس نظم کے شاعر کا نام کسی کو معلوم ہو تو بتادیں۔ بہت شکریہ۔

شاعر کا نام خواجہ پرویز ہے۔