شام

[جاسمن]

ایسے اشعار جن میں لفظ شام آئے۔

 

[جاسمن]

اُبھرتے ڈوبتے سُورج سے توڑ لُوں رشتہ
میں شام اُوڑھ کے سو جاؤں اور سحر نہ کروں

 

[جاسمن]

محسن برہنہ سر چلی آئی ہے شامِ غم
غُربت نہ دیکھ،اس پہ ستاروں کی شال کر

 

[محمد ریحان قریشی]

کر قطع کب گیا ترے کوچھ سے مصحفی
گر صبح کو گیا وہیں پھر شام آ گیا

کاؤ کاوِ سخت جانی ہائے تنہائی نہ پوچھ
صبح کرنا شام کا لانا ہے جوئے شیر کا

شامِ غم لیکن خبر دیتی ہے صبح عید کی
ظلمتِ شب میں نظر آئی کرن امید کی

فی الحال یہی یاد آئے ہیں۔ دو منٹ میں۔

 

[محمد تابش صدیقی]

ستم کا آشنا تھا وہ سبھی کے دل دکھا گیا
کہ شامِ غم تو کاٹ لی سحر ہوئی چلا گیا

 

[محمد تابش صدیقی]

اس زندگی سے کون سی ایسی خطا ہوئی
جکڑی گئی جو سلسلۂ صبح و شام سے

نظر لکھنوی

 

[محمد ریحان قریشی]

صبح ہوتی ہے شام ہوتی ہے
عمر یونہی تمام ہوتی ہے

اجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہو جائے

 

[لاریب مرزا]

تم سے نہ کٹ سکے گا اندھیروں کا یہ سفر
اب شام ہو گئی ہے ، میرا ہاتھ تھام لو.۔!!

 

[الشفاء]

شام ہوتے ہی چراغوں کو بجھا دیتا ہوں
دل ہی کافی ہے تری یاد میں جلنے کے لئے

(قلفی کھوئے والی ملائی والی ریڑھی پر لکھا ہوا شعر، بچپن میں پڑھا ہوا ابھی تک یاد ہے)

 

[الشفاء]

یہ شام اور تیرا نام
دونوں کتنے ملتے جلتے ہیں
تیرا نام نہیں لوں گا
میں تجھ کو شام کہوں گا۔

(ایک گیت)

 

[الشفاء]

گرمئی حسرت ناکام سے جل جاتے ہیں
ہم چراغوں کی طرح شام سے جل جاتے ہیں۔

 

[حمیرا عدنان]

‏کہیں لالی بھری تھالی نہ گر جائے سمندر میں
چلا ہے شام کا سورج کہاں آہستہ آہستہ

مکیں جب نیند کے سائے میں سستانے لگیں تابش
سفر کرتے ہیں بستی کے مکاں آہستہ آہستہ

 

[حمیرا عدنان]

‏جس شام برستے ہیں تیرے ہجر کے بادل
اس صبح کوئی ہجر کا تارا نهیں ہوتا

یونہی میرے پہلو میں چلا آتا هے اکثر
وہ درد جسے میں نے پکارا نهیں ہوتا

 

[تجمل حسین]

ہاں دکھا دے اے تصور پھر وہ صبح شام تو
دوڑ پیچھے کی طرف اے گردشِ ایام تو

 

[محمد تابش صدیقی]

ہوا کے واسطے اِک کام چھوڑ آیا ہوں
دِیا جلا کے سرِشام چھوڑ آیا ہوں
(اعجاز رحمانی)

 

[فہیم ملک جوگی]

درد کی آبرو شام رکھ لیتی ہے . . . .
اور باقی تو سبھی پہر ہنستے ہیں . . . .
(جوگی)

 

[فہیم ملک جوگی]

یہ رنگِ شام میں جو سجاوٹ ہے ۔ ۔ ۔ ۔
لہوِ جگر کی اس میں ملاوٹ ہے۔ ۔ ۔ ۔
(جوگی)

 

[فہیم ملک جوگی]

چُھو کر جو شام کو آتے ہیں یہ مست جھونکے ۔ ۔ ۔ ۔
حالت بھی رقصِ بسمل سی ہوتی ہے ہماری ۔ ۔ ۔ ۔
(جوگی)

 

[فہیم ملک جوگی]

رس۔ِم دوستی نبھاتی رہو شامِ درد ۔ ۔ ۔ ۔
میں ترے حُسن کا دیوانہ ہو رہا ہوں ۔ ۔ ۔ ۔
(جوگی)

 

[فہیم ملک جوگی]

دل گرفتہ ہی سہی ، بزم سجا لی جائے ۔ ۔ ۔ ۔
یادِ جاناں سے کوئی شام نہ خالی جائے ۔ ۔ ۔۔
( احمد فراز )