شاہیں بچے

[محمد ریحان قریشی]

مجهے اقبال کے شاہیں بچوں والے اشعار کبهی ٹهیک نہیں لگے
پهر ان شاہیں بچوں کو بال و پر دے
پر ن شا ہی مفاعیلن بچو کو ؟؟؟ با لپر دے فاعلاتن

کیا یہ درست ہے جبکہ باقی رباعی مفاعیلن مفاعیلن فعولن کے وزن پر ہے.

ایک اور سوال ہے
یہ نہ تهی ہماری قسمت کے وصال یار ہوتا
میں نے اس کی تقطیع متفاعلن فعولن متفاعلن فعولن کی تهی اور عروض کے مطابق فعلات فاعلاتن ہے. دونوں چل سکتی ہیں؟

 

[اکمل زیدی]

 

[راحیل فاروق]

مجهے اقبال کے شاہیں بچوں والے اشعار کبهی ٹهیک نہیں لگے

اقبالؔ کی عین بدنصیبی ہے یہ!

پهر ان شاہیں بچوں کو بال و پر دے

مفاعیلن مفاعیلن فعولن
بچہ فارسی کا لفظ ہے اور اسے تشدید کے ساتھ اور بغیر دونوں طرح استعمال کیا جاتا ہے۔ اردو کے معروف تلفظ میں البتہ تشدید کے ساتھ ہی ہے جس کی وجہ سے آپ کو دھوکا لگا۔
بعض اکابر کی اس قسم کی آرا بھی میری نظر سے گزری ہیں جن میں تشدید کو صریح عربی لسانی رویہ قرار دیا گیا ہے اور فارسی کی بابت یہ خیال ظاہر کیا گیا ہے کہ اس کی خالص اور ابتدائی شکل میں مشدد الفاظ موجود نہیں تھے۔ موجود فارسی لغت کو بھی دیکھا جائے تو ٹھیٹھ فارسی الفاظ ایسے بہت کم ملیں گے جن میں تشدید پائی جاتی ہو۔

یہ نہ تهی ہماری قسمت کے وصال یار ہوتا
میں نے اس کی تقطیع متفاعلن فعولن متفاعلن فعولن کی تهی اور عروض کے مطابق فعلات فاعلاتن ہے. دونوں چل سکتی ہیں؟

وزن تو وہی ہے جو دونوں سے ظاہر ہے۔ البتہ فعلات فاعلاتن فعلات فاعلاتن کی صورت میں اسے تقطیعِ حقیقی کہا جاتا ہے اور عروض دانی کا ثبوت گردانا جاتا ہے۔

 

[محمد ریحان قریشی]

کیا ہوا جناب؟

 

[اکمل زیدی]

کیا ہوا جناب؟

کہیں آپ نے یہ تنقید اپنے موجودہ موڈ حساب کے سے تو نہیں کردی
موڈ:

 

[سید عاطف علی]

یہ مسئلہ بچہ کے چے کو غیر مشدد استعمال کر نے کا ہے ۔
فارسی میں پیام مشرق میں ماہی بھے اور شاہیں بچے کی گفتگو بھی اسی طرز پر ہوئی ہے۔
ماہی بچہ اے شوخ بہ شاہیں بچہ اے گفت
ایں سلسہ اے موج کہ بینی ہمہ دریاست۔۔۔۔زد بانگ کہ ۔۔۔۔۔۔الخ
۔

 

[محمد ریحان قریشی]

تمام احباب کا بے حد شکریہ
پر ان شاہی مفاعیلن بچو کو با مفاعیلن لپر دے فعولن

 

[محمد وارث]

تمام احباب کا بے حد شکریہ
پر ان شاہی مفاعیلن بچو کو با مفاعیلن لپر دے فعولن

پِ رِن شاہی - مفاعیلن (جہاں الف کا وصال ہوا ہے)
بچو کو با - مفاعیلن
ل پر دے - فعولن

 

[لاریب مرزا]

اتنی مشکل باتیں سوچنے کی ضرورت ہی کیا ہے؟؟