کاشفی
محفلین
غزل
(سعید احمد اعجاز)
شرما کے آپ خونِ تمنّا نہ کیجئے
اب آئیے بھی وعدہء فردا نہ کیجئے
میں بھی گلُو تو رکھتا ہوں اِس کو نوازئیے،
یہ التفات جانبِ مینا نہ کیجئے
میرے بھی لب ہیں صورتِ ساغر سرور خیز
چکھ لیجئے تو خواہشِ صہبا نہ کیجئے
مجروح زخمہ کیجئے میرا ربابِ دل
خوں نکلے، جائے نغمہ، تو پروا نہ کیجئے
کر لینے دیجئے مجھے آغوشِ شوق وا،
بندِ نقابِ حُسن ابھی وا نہ کیجئے
رکھیئے نہ نرم ہات مرے بازوؤں پہ آپ
پھر مردہ آرزوؤں کو زندہ نہ کیجئے
لگ جائے اپنی ہی نہ کہیں آپ کو نظر،
ہے ڈر کی بات آئینہ دیکھا نہ کیجئے
بیگانہ وار آکے چلے جائیے یونہی
کچھ التفات حال پہ اصلا نہ کیجئے
اعجازِ نامرادی ِ دل دے رہی ہے درس
مرجائیے، پر اُن کی تمنّا نہ کیجئے
(سعید احمد اعجاز)
شرما کے آپ خونِ تمنّا نہ کیجئے
اب آئیے بھی وعدہء فردا نہ کیجئے
میں بھی گلُو تو رکھتا ہوں اِس کو نوازئیے،
یہ التفات جانبِ مینا نہ کیجئے
میرے بھی لب ہیں صورتِ ساغر سرور خیز
چکھ لیجئے تو خواہشِ صہبا نہ کیجئے
مجروح زخمہ کیجئے میرا ربابِ دل
خوں نکلے، جائے نغمہ، تو پروا نہ کیجئے
کر لینے دیجئے مجھے آغوشِ شوق وا،
بندِ نقابِ حُسن ابھی وا نہ کیجئے
رکھیئے نہ نرم ہات مرے بازوؤں پہ آپ
پھر مردہ آرزوؤں کو زندہ نہ کیجئے
لگ جائے اپنی ہی نہ کہیں آپ کو نظر،
ہے ڈر کی بات آئینہ دیکھا نہ کیجئے
بیگانہ وار آکے چلے جائیے یونہی
کچھ التفات حال پہ اصلا نہ کیجئے
اعجازِ نامرادی ِ دل دے رہی ہے درس
مرجائیے، پر اُن کی تمنّا نہ کیجئے
