شور ہے ہر طرف سحاب سحاب

[عظیم اللہ قریشی]

شور ہے ہر طرف سحاب سحاب
ساقیا! ساقیا! شراب! شراب

آبِ حیواں کو مَے سے کیا نسبت!
پانی پانی ہے اور شراب شراب!

رند بخشے گئے قیامت میں
شیخ کہتا رہا حساب حساب

اک وہی مستِ با خبر نکلا
جس کو کہتے تھے سب خراب خراب

جام گرنے لگا، تو بہکا شیخ
تھامنا ! تھامنا! کتاب! کتاب!

کب وہ آتا ہے سامنے کشفی
جس کی ہر اک ادا حجاب حجاب

 

[ظفری]

رند بخشے گئے قیامت میں
شیخ کہتا رہا حساب حساب

بہت خوب ۔ بہت اعلی جناب
مگرروحانی بابا اور شراب ۔۔۔۔۔ کہیں یہی شعر تو سبب نہیں ہے اس غزل کو ارسال کرنے کا ۔

 

[عظیم اللہ قریشی]

ظفری پسند کرنے کا شکریہ یہ سنو آپ کو جواب مل جائے گا

 

[نایاب]

جام گرنے لگا، تو بہکا شیخ
تھامنا ! تھامنا! کتاب! کتاب!

واہہہہہہہہ کیا خوب گہری بات کہہ گئے ۔۔۔۔۔۔۔۔۔

 

[کاشفی]

واہ بہت ہی خوب۔۔لاجواب!

 

[عمر سیف]

اک وہی مستِ با خبر نکلا
جس کو کہتے تھے سب خراب خراب

جام گرنے لگا، تو بہکا شیخ
تھامنا ! تھامنا! کتاب! کتاب!

واہ ،، بہت خوب