محمد عدنان اکبری نقیبی
لائبریرین
شہد کو اگر کافی عرصے استعمال نہیں کیا جائے تو وہ جم جاتا ہے اور اس کا رنگ بھی تبدیل ہوجاتا ہے لیکن وہ خراب نہیں ہوتا۔ جمے ہوئے شہد کو پگھلانے کے بعد اس کو کچھ دیر سورج کی روشنی میں رکھ دیں یا پھر گرم پانی میں شہد کی بوتل رکھ دیں۔گرم پانی میں شہد ڈال کر پینے سے جسم کے فیٹس کم کیے جاسکتے ہیں ۔
اس طرح شہد سے موٹاپا دور کیا جاتا ہے۔ شہد مختلف بیماریوں کےعلاج میں بھی مؤثر ثابت ہوتا ہے اور اس سے طرح طرح کےذائقے دار پکوان بھی بنائے جاتے ہیں۔شہد کی افادیت ،غذائیت اور خوش ذائقے سے کو ئی انکار نہیں کر سکتا ۔
شاید ہی کوئی ایسا ہو جو شہد نہ کھاتا ہے۔پاکستان سمیت تمام دنیا کے ممالک میں شہد خاص استعمال کیا جاتا۔ ان صرف ریسٹورنٹس میں ہی نہیں بلکہ خواتین گھر میں بھی شہد کا استعمال مختلف پکوان بنانے میں کرتی ہیں۔ شہد سے بنے چند پکوانوں کی ریسیپیز توجہ فرمائیں۔
ہنی کوکونٹ ناٹس
اجزاء۔
میدہ ۔ دو کپ
چینی (پسی ہوئی) ۔ پانچ کھانے کے چمچ
نمک۔ایک چٹکی
مکھن۔دو کھانے کے چمچ
انڈہ۔ ایک عدد
دودھ۔ حسب ضرورت
بیکنگ پاؤڈر۔ دو چائے کے چمچ
تیل۔ حسب ضرورت
شہد۔آدھا کپ
ناریل پاؤڈر۔ آدھا کپ
ترکیب۔
میدے میں چینی،نمک، مکھن اور بیکنگ پاؤڈر ڈال کر مکس کریں۔ انڈہ ڈال کر مکس کریں اور دودھ کی مدد سے گوندھ لیں۔ آدھا گھنٹے فریج میں رکھ کر اس کی روٹی بیل لیں اور ہر روٹی کے لمبے لمبے اسٹرپس کاٹ لیں ہر اسٹرپ کو اٹھا کر ہلکی ناٹ (گرہ) لگائیں۔ تمام ناٹس بنا کر تیل گرم کر کے فرائیں کریں۔ گولڈن ہونے پر نکال لیں شہد گرم کے تمام ناٹس کو اس میں ڈپ کر کے نکال لیں۔ ناریل پاؤڈر سے کوٹ کر کے سرو کریں۔
چکن ہنی ونگز
اجزاء۔
چکن ونگز۔آدھا کلو
کوکنگ آئل۔ چار کھانے کے چمچ
ادرک لہسن (چوپ کیا ہوا)۔دو کھانے کے چمچ
نمک۔حسبِ ذائقہ
کالی مرچ۔ (کُٹی ہوئی )ایک چائے کا چمچ
سویا سوس ۔ایک کھانے کا چمچ
چلی سوس ۔ایک کھانے کا چمچ
چینی ۔ ڈیڑھ کھانے کا چمچ
لیموں کا رس۔ایک کھانے کا چمچ
شہد ۔ڈھائی کھانے کے چمچ
ہری مر چ۔دو عدد
چلی گارلک سوس۔ ایک کھانے کا چمچ
ادرک (جولین کٹنگ)۔ایک چائے کاچمچ
ٹماٹر( جولین کٹنگ)۔ ایک عدد
سفید تِل۔ ایک کھانے کا چمچ
ترکیب۔
1۔ایک پین میں آئل لیں اس میں ادرک لہسن ڈا ل کر لائٹ براؤن ہونے تک فرائی کر لیں۔
2۔اب اُسی پین میں چکن ونگز ، نمک، کالی مر چ ، سویا سوس ، چلی سوس، چینی اور لیموں کا رس ڈال کر اچھی طرح پکا لیں یہاں تک کہ چکن گل جائے۔
3۔اب اس میں شہد ،ہری مرچ ،چلی گارلک سوس ،ادرک اور ٹماٹر ڈا ل کر دو سے تین منٹ تک پکائیں۔
4۔سفید تِل کی گارنش کرکے پیش کریں۔
5۔مزیدار چکن ہنی ونگز تیار ہیں۔
چکن ہنی کولی فلاور
اجزاء۔
پھول گوبھی۔1 عدد
تیل۔ ڈیپ فرائی کے لئے
نمک،چینی۔حسب ذوق
تل۔گارنش کے لئے
کارن فلور۔2 چائے کے چمچ
پانی۔ حسب ذوق
بیٹر کے لئے۔
انڈے کی سفیدی۔1 عدد
بیکنگ پاؤڈر۔2/1 چائےکا چمچ
تیل۔1 کھانےکا چمچہ
میدہ۔2/1 کپ
پانی۔2/1 کپ
نمک۔4/1چائےکا چمچ
کارن فلور۔4/1 کپ
ہنی گارلک ساس کےلئے:
لہسن۔2 جوے
شہد۔3/1 کپ
نمک۔1 چائےکا چمچ
سرکہ۔1 چائےکا چمچ
پانی۔2/1 کپ
کارن فلور۔حسب ضرورت
ترکیب۔
گوبھی کو بلانچ کر کے نکال لیں اور ٹھنڈا کریں۔بیٹر کے تمام اجزاء کو مکس کرلیں، پھر اس میں گوبھی کو ڈپ کر کے گرم تیل میں فرائی کرلیں۔جب گولڈن براؤن ہوجائے تو نکال لیں۔
ساس کے لئے۔
2 سے 3 کھانے کے چمچ تیل گرم کریں۔ پھر اس میں لہسن کے جوئے فرائی کر کے نکال لیں۔ پھر اسی تیل میں ساس کے تمام اجزاء اور پانی ڈال دیں۔ جب گاڑھا ہوجائے تو پھول گوبھی شامل کر لیں ۔ آخر میں تل سے گارنش کر کے سرو کریں۔
ہنی چکن
اجزاء۔
چکن (بغیر ہڈی کے)۔ آدھا کلو (چھوٹےٹکڑے )
کارن فلور۔ایک کپ
انڈے کی سفیدی ۔2 عدد
کوکنگ آئل۔ڈیپ فرائی کیلئے
چلی ساس۔دو چائے کے چمچ
ہری پیاز۔حسبِ ضرورت
بیکنگ سوڈا۔آدھا چائے کا چمچ
ٹھندا پانی۔حسبِ ضرورت
شہد۔تین چوتھائی کپ
تل۔دو کھانے کے چمچ
ترکیب۔
ایک پیالے میںکارن فلور،بیکنگ سوڈا،انڈے کی سفیدی اور تل مکس کرلیں۔پھر پانی ڈال کر کریمی پیسٹ بنا لیں۔اس پیسٹ کو چکن پر لگا کر کچھ دیر کے لیے رکھ دیں۔کوکنگ آئل گرم کریں اور چکن ڈیپ فرائی کرلیں۔ایک پین میں شہد اورچلی سوس مکس کر کے ہلکی آنچ پر پکائیں۔اس سوس کو چکن پر ڈالیں اور ہری پیاز سے سجا کر گرم گرم سرو کریں۔
چاکلیٹ ہنی ڈرائی فروٹ کیک
اجزاء۔
اسفنج کے لئے۔
میدہ(چھنا ہوا)۔2/1 پیالی
باریک پسی ہوئی چینی۔2 پیالی
چاکلیٹ بار (پگھلا لیں)۔250 گرام
بیکنگ پاؤڈر۔2 کھانےکے چمچ
بیکنگ سوڈا۔ایک چائےکا چمچ
انڈے۔6 عدد
خشک میوے(چوپ کئے ہوئے) ۔ 1/2 پیالی
شہد۔3 کھانے کے چمچ
مکھن۔200 گرام
ٹاپنگ کے اجزاء۔
خشک میوے۔ایک پیالی
باریک پسی ہوئی چینی۔ایک پیالی
تازہ کریم۔3 پیالی
بغیر نمک کا مکھن۔2/1 پیالی
ترکیب۔
ایک پیالے میں نمک اور مکھن ملا کر الیکٹرک بیٹر سے پھینٹیں۔ پھر چینی ڈال کر آمیزہ اوپر آنے تک پھینٹیں۔ اب اس میں بیکنگ سوڈا، شہد، میوے اور بیکنگ پاؤڈر ملائیں، پھر چاکلیٹ ملا کر تمام اجزاء یکجان ہونے تک پھینٹیں۔ اس میں میدہ ڈال کر چمچ سے ملا لیں۔ اس آمیزے کو کیک کے سانچے میں ڈال کر پہلے سے گرم اوون میں 200 ڈگری سینٹی گریڈ پر35منٹ پکا کر نکال لیں۔ ایک پیالے میں ٹاپنگ کے تمام اجزاء ڈال دیں اور کیک تیار ہونے پر اس کے اوپر ڈال کر سروکریں۔
اورنج ہنی یوگرٹ
اجزاء۔
دہی ۔دو کپ
شہد۔ کپ
جما ہوا اورنج جوس۔ ایک کین (چھ اونس)
ہاف اینڈ ہاف۔1 کپ
ترکیب۔
درمیانی سائز کے پیالے میں دہی ڈال کر پھینٹ لیں۔ اس میں اورنج جوس ، شہد اور ہاف اینڈ ہاف ملا دیں۔ پھرلوف پین میں انڈیل دیں۔ اس کوکپڑے یا پلاسٹک سے ڈھانپ دیں۔اس کےبعد فریزر میں اسے تین گھنٹےکے لیے رکھ دیں۔ پھر مزیدار اورنج ہنی یو گرٹ سرو کریں ۔