صحرائے تھر سے تازہ ترین خبر پر ایک پُرانی نظم

[عابی مکھنوی]

صحرائے تھر سے تازہ ترین خبر پر ایک پُرانی نظم
"""تھر میں قحط سے مزید 2بچے جاں بحق، تعداد 6ہوگئی"""
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سُنا ہے میرے بھائی بیٹے مائیں بیٹیاں بہنیں ۔۔۔
مہینہ ہو گیا اپنی زباں تالو سے چپکائے شمالاً دیکھتے ہیں کیا کوئی آیا ۔۔۔۔۔
شمالاً اُن کو دہشت کے بگولے جب چڑاتے ہیں
وہ مجبوراً جنوباً اپنی گردن کو گھماتے ہیں
جنوباً اِک سمندر کے کِنارے اِک سمندر موجزن اُن کی بُجھی اُمید کو سیراب کرتا ہے ۔۔
مگر سادہ طبیعت تھر کے باسی شہرِ قائد کی چمک کی اوٹ میں رقصاں گرجتی موت کےپہرے کو کیا جانیں۔۔۔۔
ارے او سادہ دِل تھر کے مکینو!!جس سمندر سے تمھیں ہے آسرا اُس میں بہت مہنگی ہیں ٹھنڈے میٹھے پانی کی یہ چند بُوندیں ۔۔۔
شمالاً یا جنوباً دونوں سمتوں میں۔۔یہاں ہو کہ وہاں پگلو !!! اگر کچھ سستے داموں میں فراہم ہے تو خُوں ہے وہ ۔۔۔
۔۔۔۔۔۔۔
عابی مکھنوی