ضبط غم ہاتھ سے چلا جائے

[حسیب احمد حسیب]

غزل

ضبط غم ہاتھ سے چلا جائے
یہ بهرم ہاتھ سے چلا جائے

صدقئہ جاں قبول ہو کہ نہیں
کم سے کم ہاتھ سے چلا جائے

بوجھ بھاری ہے میرے ہاتھوں میں
ہو کرم ہاتھ سے چلا جائے

میں ہتهیلی پہ جان رکهتا ہوں
میرا دم ہاتھ سے چلا جائے

تهوڑا تهوڑا لٹائینگے کب تک
ایکدم ہاتھ سے چلا جائے


وقت کو تھامنے کی کوشش میں
دم بہ دم ہاتھ سے چلا جائے

بت پرستی کی آبرو نہ رہے
جو صنم ہاتھ سے چلا جائے

جو قدم بھی اٹھا تری جانب
وہ قدم ہاتھ سے چلا جائے

ہم تعلق نبهائینگے کب تک
محترم ! ہاتھ سے چلا جائے​

​

حسیب احمد حسیب​

​

 

[ربیع م]

بہت عمدہ ماشاءاللہ

 

[حسیب احمد حسیب]

چند اشعار کا اضافہ

 

[حسیب احمد حسیب]

زلف برہم سنوارتے ہیں ہم
پیچ و خم ہاتھ سے چلا جائے​

 

[حسیب احمد حسیب]

کاسئہ عشق کی تلاش میں ہوں
جام جم ہاتھ سے چلا جائے​

 

[حسیب احمد حسیب]

غم زمانے کے مل گئے مجھ کو
تیرا غم ہاتھ سے چلا جائے​

 

[حسیب احمد حسیب]

یار تو فقر کا حقیقی ہے
پر شکم ہاتھ سے چلا جائے​

 

[کاشف اختر]

بہت خوب !

 

[محمد تابش صدیقی]

بہت خوب، حسیب بھائی

وقت کو تھامنے کی کوشش میں
دم بہ دم ہاتھ سے چلا جائے

غم زمانے کے مل گئے مجھ کو
تیرا غم ہاتھ سے چلا جائے