ضبط کا مرحلہ اظہار تک آ پہنچا ہے ۔ غزل اختر عثمان

[واجد عمران]

ضبط کا مرحلہ اظہار تک آپہنچا ہے
کوئی روتا ہُوا بازار تک آ پہنچا ہے

حلقہ در حلقہ بڑھی جاتی تھی کوتہ قدمی
سلسلہ قافلہ سالار تک آ پہنچا ہے

آیک آنسو جو رُکا تھا سرِ مشکیزہء چشم
آخرِ کار وہ رُخسار تک آ پہنچا ہے

حرم و دیر صدا دیتے ہیں رسماً ورنہ
اب تو درویش دَرِ یار تک آ پہنچا ہے

ایک خوشبو کا پتہ پوچھتا اختر عثمان
خوش نصیبی سے چمن زار تک آ پہنچا ہے