ضرورتِ رشتہ

[چھوٹاغالبؔ]

​

​

​

ایک نوجوان ، سید زادہ ۔سینہ چوڑا ، دل کشادہ​

نیک چلن اور سادہ ۔پست کم اور لمبا زیادہ​

گورا بدن ، شیریں دہن ۔سلکی بال، آسودہ حال​

لازوال ، باکمال ۔بلند خیال​

حسن کا دلداہ، شادی پر آمادہ​

ذات پات سے انکاری، اپنی سواری​

اعلیٰ خاندان، خوبصورت گبھرو جوان​

ایک عرصہ سے پریشان​

​

کیلئے​

​

​

ایک حسینہ کنواری، مثلِ حور، چشم مخمور، چہرہ پُر نور، باتمیز و باشعور، نشہ شباب میں چور​

صوم وصلوٰۃ کی پابند، سمجھدار اور صحت مند، با ہنر و سلیقہ مند​

کم گفتار، با کردار، مکرو فریب سے عاری، دیکھنے میں پیاری​

باادب باحیا، سراپا مہر ووفا،نہ شوقین سرخی و کریم ، نو پرابلم تعلیم​

مہ جبیں، بے حد حسیں، پردہ نشیں​

راضی بہ عقد ، سرو سا قد، آہستہ خرام ، شائستہ کلام، پیارا سا نام ، جس میں ہو سین یا لام​

عجوبہ کائنات ، رفیقہ حیات​

درکار ہے۔ جس کے بغیر زندگی بے کار ہے​

نہ مسہری نہ چارپائی، نہ روئی بھری رضائی، نہ زیور طلائی ، نہ ہی کرسیاں میز، بالکل نہیں چاہیے جہیز​

​

​

مزید بات چیت بالمشافہ یا بذریعہ لفافہ۔خط و کتابت پابندی صیغہ راز ہے کہ یہی شریفوں کا انداز ہے​

 

[یوسف-2]

واہ بہت خوب
ایک مشترکہ اشتہار میں کتنے سارے رشتے طلب کئے گئے ہیں

 

[محمد وارث]

یہ تو رشتہ نہ کروانے والی بات ہے

 

[مہ جبین]

پیارا سا نام ، جس میں ہو سین یا لام


سلمیٰ یا سلیمہ جہاں کہیں ہوں اگر شادی نہیں ہوئی ہو تو مسٹر چھوٹاغالبؔ سے رابطہ فرمائیں

شکریہ

 

[محمداحمد]

خوب ہے مشغلہ فرقت میں بہلنے کے لئے​

خوش رہیے غالب بھائی ہماری دعا ہے کہ آپ کو یہ سب یا کم از کم ان میں چار تو مل ہی جائیں۔

 

[کاشف اکرم وارثی]

بھائی جان۔۔ آپ کا آرڈر بک کرلیا گیا ھے ۔ اللہ نے چاہا تو تقریبا" پونے نو سو سال ننوانے دن انسٹھ منٹ اور انسٹھ سکینٍڈ کے بعد آپ کو آپ کا آرڈر بذریعہ پاکستانی ریلولے آپ کو سبی سے ہوتے ہوے افغانستان موصول ہوجاوے گا۔۔۔اگے اللہ مالک

 

[چھوٹاغالبؔ]

بھائی جان۔۔ آپ کا آرڈر بک کرلیا گیا ھے ۔ اللہ نے چاہا تو تقریبا" پونے نو سو سال ننوانے دن انسٹھ منٹ اور انسٹھ سکینٍڈ کے بعد آپ کو آپ کا آرڈر بذریعہ پاکستانی ریلولے آپ کو سبی سے ہوتے ہوے افغانستان موصول ہوجاوے گا۔۔۔ اگے اللہ مالک

پھر تو واقعی قبلہ استادِ محترم سچے تھے

کون جیتا ہے تیری زلف کے سر ہونے تک

 

[شمشاد]

جواب : اشتہار ضرورتِ رشتہ منجانب چھوٹے غالب​

پسند آیا آپ کا اشتہار، کہیں یہی تو نہیں آپ کا کاروبار، ہیں بکاؤ میرے سرکار جو چلے آئے ہیں سرِ بازار، لیکر خود اپنی پکار۔ ہو رہے ہیں ذلیل و خوار ۔۔۔ سید زادہ، نو عمر، جھوٹی لگتی ہے یہ خبر، پستہ قد تو ہو گی موٹی بھی آپ کی کمر ۔۔۔ ہیں آپ جوان از اعلیٰ خاندان، ہوتا گر یہ سچ تو نہ مانگتے جہیز میں پاندان، گلدان۔۔۔ اسی مانگ کے سبب ہیں آپ کنوارے پریشان۔​

کوئی بات نہیں کر لیجیے مجھے قبول، آزردہ دل ہوں اور دھول کا پھول۔۔۔ ہوں صورت سے حور مگر قسمت سے مجبور، شوق ہے سرخی کا نہ میک اَپ پسند، ماں باپ نے رکھا ہے گھر میں نظر بند، دینی تعلیم سے ہوں مالا مال، گو چاندی کی جھلک رکھتے ہیں کچھ بال، غریبی نے نکھار دیئے ہیں خد و خال، جوانی تو ہے مثلِ حباب، مال کے علاوہ سب کچھ مجھ میں ہے جناب، آپ کاروباری ہوں یا کہ اناڑی۔۔۔ چھوٹی سی ہو دکان یا مکان ۔۔۔​

کاش بن جائیں آپ مومن، قبول کر لیں یہ کمسن، بیوپاری سے بن جائیں محسن، اپنی بیوی بنا لیں مجھے، اپنے سینے سے لگا لیں مجھے، غلط نظروں سے بچا لیں مجھے۔۔۔ رقعہ میں حاضر ہے تصویر، گر پسند ہو کر دیجیے تحریر، ورنہ بے کار ہے سب تقریر، سمجھونگی یہی ہے سب تقدیر، چار سو بیس (420) سے کر لیجیے انتقال، گلی نو دو گیارہ میں جو ہے ایک ہسپتال، حیران چوک سے آگے ہے اپنی بھی چھال، پریشان منزل سے آگے آئیں گے تو وہیں مرقد میں ہے ہمارا دارلزار، اگر جلد چلے آئیں گے تو والدین کو میرے بقید حیات پائیں گے، وہاں قریب ہی ہے اپنے بھائی کا آفس، نہیں ہوں پسند تو پھر ۔۔۔ خدا حافظ۔​

 

[سارہ خان]

خوب جواب ہے شمشاد بھائی نہلے پہ دہلا ۔۔

 

[سارہ خان]

یہ اشتہار پڑھ کر یاد آیا چھوٹے غالب کے ہم نے بھی کبھی ایسا ہی کچھ پوسٹ کیا تھیا یہاں ۔۔

 

[برگ حنا]

​

​

​

ایک نوجوان ، سید زادہ ۔سینہ چوڑا ، دل کشادہ​

نیک چلن اور سادہ ۔پست کم اور لمبا زیادہ​

گورا بدن ، شیریں دہن ۔سلکی بال، آسودہ حال​

لازوال ، باکمال ۔بلند خیال​

حسن کا دلداہ، شادی پر آمادہ​

ذات پات سے انکاری، اپنی سواری​

اعلیٰ خاندان، خوبصورت گبھرو جوان​

ایک عرصہ سے پریشان​

​

کیلئے​

​

​

ایک حسینہ کنواری، مثلِ حور، چشم مخمور، چہرہ پُر نور، باتمیز و باشعور، نشہ شباب میں چور​

صوم وصلوٰۃ کی پابند، سمجھدار اور صحت مند، با ہنر و سلیقہ مند​

کم گفتار، با کردار، مکرو فریب سے عاری، دیکھنے میں پیاری​

باادب باحیا، سراپا مہر ووفا،نہ شوقین سرخی و کریم ، نو پرابلم تعلیم​

مہ جبیں، بے حد حسیں، پردہ نشیں​

راضی بہ عقد ، سرو سا قد، آہستہ خرام ، شائستہ کلام، پیارا سا نام ، جس میں ہو سین یا لام​

عجوبہ کائنات ، رفیقہ حیات​

درکار ہے۔ جس کے بغیر زندگی بے کار ہے​

نہ مسہری نہ چارپائی، نہ روئی بھری رضائی، نہ زیور طلائی ، نہ ہی کرسیاں میز، بالکل نہیں چاہیے جہیز​

​

​

مزید بات چیت بالمشافہ یا بذریعہ لفافہ۔خط و کتابت پابندی صیغہ راز ہے کہ یہی شریفوں کا انداز ہے​

شمشاد بھیا متوجہ ہوں آپ کے "شادی دفتر" سے متعلق "اشتہار" ہے اور آپ کے لیے "چیلنج "بھی
اب ڈھونڈ کر دیں چھوٹاغالبؔ بھیا کو ایسی "دلہنیا" اور چیلنج اس لیے کہ یہ ساری خوبیاں ایک ہی ہستی میں موجود ہونی چائیے ہاں

 

[محب علوی]

کہیں بہتر حوروں کا خواب دنیا میں ہی تو نہیں دیکھ لیا۔

 

[باباجی]

واہ واہ جنابِ من کیا خوب نقشہ کھینچا ہے لیکن مجھے شک یہ ہے کہ کہیں زیادہ وقت نہ لگ جائے ۔ چنانچہ آپ سے یہ التماسِ خاص ہے کہ
اپنی خواہشِ حاصلِ زوجہ دلنواز و پری پیکر کو ذرا آسان الفاظ میں بیان فرمادیں

 

[برگ حنا]

کہیں بہتر حوروں کا خواب دنیا میں ہی تو نہیں دیکھ لیا۔

ارے نہیں نہیں بس شمشاد بھائی ذرا دلچسپی لیں ڈھونڈنے میں تو چھوٹاغالبؔ بھیا کا یہ خواب حقیقت کا روپ بھی دھار سکتا ہے

 

[محب علوی]

شمشاد اب کیا جنت سے حوریں امپورٹ کریں چھوٹا غالب کے لیے۔

 

[ساجد]

چھوٹاغالبؔ ،یہ ویڈیو خاص طور پر آپ کے لئے۔

​

 

[برگ حنا]

شمشاد اب کیا جنت سے حوریں امپورٹ کریں چھوٹا غالب کے لیے۔

جب شادی دفتر کھولا ہے تو ڈیمانڈز تو آئیں گی ناں اور شمشاد بھائی نے دفتر بھی تو چلانا ہے ناں تو ڈھونڈنے کی کوشش میں حرج ہی کیا ہے جناب
"ہمتِ مرداں مددِ خدا"

 

[باباجی]

واللہ چھوٹا غالب کیا خوب کہا ہے آپ نے، اب تو کچھ کچھ میرا بھی دل کرنے لگا ہے۔ یعنی دریا کو کُوزے میں بند کردیا ۔

 

[محب علوی]

جب شادی دفتر کھولا ہے تو ڈیمانڈز تو آئیں گی ناں اور شمشاد بھائی نے دفتر بھی تو چلانا ہے ناں تو ڈھونڈنے کی کوشش میں حرج ہی کیا ہے جناب
"ہمتِ مرداں مددِ خدا"

ڈیمانڈ تو ایسی ایسی آتی ہیں آرڈر پر تیار کی جائیں تو پوری نہ ہوں ، شمشاد اب کس کس کی ڈیمانڈیں پوری کریں۔

شادی دفتر کھولا ہے خواہش دفتر نہیں۔

ہمت مرداں کا محاورہ لگتا ہے اب بدلنا ہوگا کہ بہت ناحق استعمال بڑھ گیا ہے اس کا ۔

 

[شمشاد]

شمشاد بھیا متوجہ ہوں آپ کے "شادی دفتر" سے متعلق "اشتہار" ہے اور آپ کے لیے "چیلنج "بھی
اب ڈھونڈ کر دیں چھوٹاغالبؔ بھیا کو ایسی "دلہنیا" اور چیلنج اس لیے کہ یہ ساری خوبیاں ایک ہی ہستی میں موجود ہونی چائیے ہاں

چیلنج قبول کرتے ہوئے انہیں اوپر جواب دے تو دیا ہے۔ مراسلہ نمبر 8 ملاحظہ فرمائیں۔