ضیا جالندھری ::::جب اُنہی کو نہ سُنا پائے غمِ جاں اپنا -- Zia Jalandhri

[طارق شاہ]

غزلِ
ضیا جالندھری

جب اُنہی کو نہ سُنا پائے غمِ جاں اپنا
چُپ لگی ایسی، کہ خود ہو گئے زنداں اپنا

نا رسائی کا بیاں ہے، کہ ہے عرفاں اپنا
اس جگہ اَہْرَمن اپنا ہے، نہ یزداں اپنا

دم کی مُہلت میں ہے، تسخیرِ مہ و مہر کی دُھن !
سانس، اِک سلسلۂ خوابِ درخشاں اپنا

ہے طلب اُس کی ، کہ جو سرحدِ اِمکاں میں نہیں
میری ہر راہ میں، حائل ہے بیاباں اپنا

کیسی دُوری، اُسی شعلے کی ہے ضُو میرا جمال
جس سے تابندہ رہا دیدۂ گریاں اپنا

ارمغاں ہیں تِری چاہت کے شگفتہ لمحے !
بیخودی اپنی، شب اپنی ، مہ تاباں اپنا

اس طرح عکس پڑا تیرے شفق ہونٹوں کا !
صُبحِ گُلزار ہُوا، سینۂ ویران اپنا

ایسی گھڑیاں کئی مجھ ایسوں پہ آئیں ہونگی
وقت نے جن سے سجا رکھا ہے ایواں اپنا

ضیا جالندھری ​

 

[شیزان]

ہے طلب اُس کی ، کہ جو سرحدِ اِمکاں میں نہیں
میری ہر راہ میں، حائل ہے بیاباں اپنا

اعلیٰ ہے شاہ جی۔۔ بےحد شکریہ

 

[طارق شاہ]

ہے طلب اُس کی ، کہ جو سرحدِ اِمکاں میں نہیں
میری ہر راہ میں، حائل ہے بیاباں اپنا

اعلیٰ ہے شاہ جی۔۔ بےحد شکریہ

ممنُون ہوں پذیرائی اور اظہارِ خیال پر
بہت خوش رہیں

 

[مدیحہ گیلانی]

نا رسائی کا بیاں ہے، کہ ہے عرفاں اپنا
اس جگہ اَہْرَمن اپنا ہے، نہ یزداں اپنا
واہ بہت خوب !

 

[طارق شاہ]

نا رسائی کا بیاں ہے، کہ ہے عرفاں اپنا
اس جگہ اَہْرَمن اپنا ہے، نہ یزداں اپنا
واہ بہت خوب !

تشکّر اظہار خیال پر ، صاحبہ !
بہت خوش رہیں