طبع زاد اشعار کی بیت بازی

[محمد خلیل الرحمٰن]

آج سے کھیل اک شروع کیجیے
اک نیا شعر خود بنادیجے
​

بیت بازی کے اس سلسلے میں روایتی اصول و ضوابط کے ساتھ صرف ایک نئی شرط ہے۔ شعر آپ کا اپنا طبع زاد ہو۔ تک بندی بھی چلے گی لیکن بے وزن اشعار قبول نہیں کیے جائیں گے۔

ہم نے پہلا شعر بنا دیا ہے۔ آپ ایسا شعر کہیں جو حرف "ے" یا "ی" سے شروع ہوتا ہو۔

​

 

[شمشاد]

یہ کھیل بھی کھیلا کرتے تھے
خلیل بھائی فاختہ اڑایا کرتے تھے

 

[محمد خلیل الرحمٰن]

یہ کھیل بھی کھیلا کرتے تھے
خلیل بھائی فاختہ اڑایا کرتے تھے

شمشاد بھائی آپ کے شعر کا دوسرا مصرع وزن میں نہیں۔ اسے یوں کر سکتے ہیں

یہ کھیل بھی کھیلا کرتے تھے
اشعار بنایا کرتے تھے​

 

[محمد خلیل الرحمٰن]

یارب! وہ سمجھتے نہیں اک لفظ بھی میرا
بس ان کی زباں اور ہے اور میری زباں اور​

 

[محمد احسن سمیع راحلؔ]

اوہ، میں نے آخری مراسلہ دیکھا نہیں کہ اب ر کی باری ہے

 

[محمد احسن سمیع راحلؔ]

یارب! وہ سمجھتے نہیں اک لفظ بھی میرا
بس ان کی زباں اور ہے اور میری زباں اور​

راحل ان کی اگر کوئی منزل نہیں
کیونکر آباد ہیں درد کے راستے

 

[محمد خلیل الرحمٰن]

یہ منزلوں کے سفر اور یہ راستوں کی تھکن
پڑاؤ ڈال کے سوئیں گے دوپہر ہم لوگ​

 

[محمد احسن سمیع راحلؔ]

یہ منزلوں کے سفر اور یہ راستوں کی تھکن
پڑاؤ ڈال کے سوئیں گے دوپہر ہم لوگ​

گلستانوں کے اجڑ جانے کا ہے یہ بھی سبب
پھول اس کی زلف کے باہر بھلا لگتا نہیں

 

[محمد خلیل الرحمٰن]

گلستانوں کے اجڑ جانے کا ہے یہ بھی سبب
پھول اس کی زلف کے باہر بھلا لگتا نہیں

نہ سہی گر پھول کوئی زلف میں اس کے سجا
ہم اسیرِ زلف ہیں ہم کو برا لگتا نہیں​

 

[محمد احسن سمیع راحلؔ]

نہ سہی گر پھول کوئی زلف میں اس کے سجا
ہم اسیرِ زلف ہیں ہم کو برا لگتا نہیں​

نجانے کیوں اسی پر مر مٹے ہم
کبھی نظروں میں جو جچتا نہیں تھا

 

[محمد خلیل الرحمٰن]

نجانے کیوں اسی پر مر مٹے ہم
کبھی نظروں میں جو جچتا نہیں تھا

اس ادا پر کون نہ مرجائے اے بسمل بتا
تو جو گھائل ہوگیا ان کی ادائیں دیکھ کر​

 

[مومن فرحین]

واہ یہ تو بہت ہی زبردست کھیل ہے پر اس میں تو ہم جیسے افراد حصہ نہیں لے سکتے ۔ بھلا اتنے بڑے بڑے استادوں کے بیچ زبان کھولنے کی جسارت کون کرے گا ۔

 

[محمد احسن سمیع راحلؔ]

واہ یہ تو بہت ہی زبردست کھیل ہے پر اس میں تو ہم جیسے افراد حصہ نہیں لے سکتے ۔ بھلا اتنے بڑے بڑے استادوں کے بیچ زبان کھولنے کی جسارت کون کرے گا ۔

بول کہ لب آزاد ہیں تیرے
ویسے بھی ابھی جمع کا صیغہ استعمال نہیں کیا جا سکتا ۔۔۔ بھائی خلیلؔ کے علاوہ اساتذہ میں سے کوئی نہیں آیا ابھی تک اس طرف

 

[محمد خلیل الرحمٰن]

واہ یہ تو بہت ہی زبردست کھیل ہے پر اس میں تو ہم جیسے افراد حصہ نہیں لے سکتے ۔ بھلا اتنے بڑے بڑے استادوں کے بیچ زبان کھولنے کی جسارت کون کرے گا ۔

ہم جیسے مبتدی بھی تو شامل ہیں! ہمت کیجیے اور شعر بناکر لکھ دیجیے۔

 

[اکمل زیدی]

واہ یہ تو بہت ہی زبردست کھیل ہے پر اس میں تو ہم جیسے افراد حصہ نہیں لے سکتے ۔ بھلا اتنے بڑے بڑے استادوں کے بیچ زبان کھولنے کی جسارت کون کرے گا ۔

اس جسارت کی اجازت اساتذہ نے دی ہے قواعد و ضوابط کے ساتھ۔۔۔ہم بھی پر تول ہی رہے تھے۔۔۔

 

[فاخر]

گفتگو کی وجہ سے خلط مبحث ہوگیا !!
لیجئے اس پرلطف کھیل کا آغاز کرتےہیں!
میرا شعر:
نہ سمجھو کہ یہ ایک قطرہ ہے آنسو
مری شاعری کا اثاثہ ہے آنسو!!
(واؤ)

 

[مومن فرحین]

اس ادا پر کون نہ مرجائے اے بسمل بتا
تو جو گھائل ہوگیا ان کی ادائیں دیکھ کر​

رعب ہے یا ادب ہے یا ڈر ہے
بولتی ہی نہیں زباں میری

 

[محمد خلیل الرحمٰن]

گفتگو کی وجہ سے خلط مبحث ہوگیا !!
لیجئے اس پرلطف کھیل کا آغاز کرتےہیں!
میرا شعر:
نہ سمجھو کہ یہ ایک قطرہ ہے آنسو
مری شاعری کا اثاثہ ہے آنسو!!
(واؤ)

فاخر بھائی کھیل تو جاری ہے۔ اب آپ (ی) کا شعر عنایت فرمائیں۔

رعب ہے یا ادب ہے یا ڈر ہے
بولتی ہی نہیں زباں میری

 

[اکمل زیدی]

منزل ملے گی اسکا کا پورا یقیں ہے
خاک پر جو آخر میری جبیں ہے

 

[اکمل زیدی]

خلیل بھائی بہت عمدگی سے آپ نے یہ سلسلہ شروع کیا ہے اوزان درست کرنے میں مدد ملے گی آپ کی برجستہ رہنمائی سے ۔۔بس شعر درست ہوگیا تو پھر غزل سے کوئی نہیں روک سکتا۔۔۔۔۔میں پھر آونگا الف عین سر۔۔بہت پٹائی ہوئی ہے میری ۔۔۔