جان
محفلین
طوفاں نہیں گزرے کہ بیاباں نہیں گزرے
ہم مرحلۂ زیست سے آساں نہیں گزرے
کچھ ایسے مقامات بھی تھے راہِ وفا میں
محسوس یہ ہوتا تھا کہ انساں نہیں گزرے
عرصہ ہوا وہ زلف پریشاں نہیں دیکھی
مدت ہوئی نظروں سے گلستاں نہیں گزرے
ہر حادثہ نو سے الجھتے گئے ہر گام
ہم رہ گزر شوق سے گزراں نہیں گزرے
حیران تو گزرے ہیں زمانے کی روش سے
یہ اپنی روش تھی کہ پریشاں نہیں گزرے
کیا ہم کو ستائے گا غم گردش دوراں
ہم تجھ سے ابھی اے غم جاناں نہیں گزرے
سید ضمیر جعفری
ہم مرحلۂ زیست سے آساں نہیں گزرے
کچھ ایسے مقامات بھی تھے راہِ وفا میں
محسوس یہ ہوتا تھا کہ انساں نہیں گزرے
عرصہ ہوا وہ زلف پریشاں نہیں دیکھی
مدت ہوئی نظروں سے گلستاں نہیں گزرے
ہر حادثہ نو سے الجھتے گئے ہر گام
ہم رہ گزر شوق سے گزراں نہیں گزرے
حیران تو گزرے ہیں زمانے کی روش سے
یہ اپنی روش تھی کہ پریشاں نہیں گزرے
کیا ہم کو ستائے گا غم گردش دوراں
ہم تجھ سے ابھی اے غم جاناں نہیں گزرے
سید ضمیر جعفری