ظہوراللہ خان نوا :::: گردش نصیب ہُوں میں اُس چشمِ پُرفسوں کا :::: Zahoor ul lah KhaN Nawa

[طارق شاہ]

غزل
ظہوراللہ خان نوا

گردش نصیب ہُوں میں اُس چشمِ پُرفسوں کا
دَورِ فلک بھی جس کے فتنے سے بر نہ آیا

دیوانۂ پری کو کب اُنس اِنس سے ہو !
جو اُس کے در پہ بیٹھا ، پھراپنے گھر نہ آیا

خُوبانِ جَور پیشہ گُزرے بہت ہیں، لیکن
تجھ سا کوئی جہاں میں ، بیداد گر نہ آیا

دیوار سے پٹک کر سر مر گئے ہزاروں
پر تُو وہ سنگ دل ہے ، بیرونِ در نہ آیا

غمازیوں نے ڈالے آپس میں تفرقے یہ
برسوں ہوئے کہ واں کا ، کوئی اِدھر نہ آیا

کِس کِس اذیّتوں سے مارا نوا کو تُو نے
کُچھ بھی خُدا کا ظالم تجھ کو حذر نہ آیا

ظہوراللہ خان نوا ​

 

[نیرنگ خیال]

واہ شاہ صاحب۔۔۔ لاجواب انتخاب سر۔۔۔۔ زبردست
دیوار سے پٹک کر سر مر گئے ہزاروں
پر تُو وہ سنگ دل ہے ، بیرونِ در نہ آیا

 

[طارق شاہ]

واہ شاہ صاحب۔۔۔ لاجواب انتخاب سر۔۔۔ ۔ زبردست
دیوار سے پٹک کر سر مر گئے ہزاروں
پر تُو وہ سنگ دل ہے ، بیرونِ در نہ آیا

تشکّر جناب نیرنگ خیال صاحب! اِس اظہارِ خیال اور پذیرائیِ اِنتخاب پر
خوشی ہوئی جو منتخبہ غزل آپ کو پسند آئی

 

[مدیحہ گیلانی]

واہ واہ !
خُوبانِ جَور پیشہ گُزرے بہت ہیں، لیکن
تجھ سا کوئی جہاں میں ، بیداد گر نہ آیا
عمدہ شراکت ۔

 

[طارق شاہ]

واہ واہ !
خُوبانِ جَور پیشہ گُزرے بہت ہیں، لیکن
تجھ سا کوئی جہاں میں ، بیداد گر نہ آیا
عمدہ شراکت ۔

تشکّر محترمہ گیلانی صاحبہ ، اظہارِ خیال اور پذیرائیِ اِنتخاب پر
بہت خوش رہیں