عابد جعفری : درد کی آنچ میں جلتا ہے یہ گھر کیا کیجیئے

[سید زبیر]

عابد جعفری : درد کی آنچ میں جلتا ہے یہ گھر کیا کیجیئے​

​

درد کی آنچ میں جلتا ہے یہ گھر ،کیا کیجیئے​

خواب ہوتی ہے تمنا کی سحر ،کیا کیجئے​

ہم بھی مانوس نہیں دل کے اندھیروں سے ابھی​

طائر شب بھی ہے کھولے ہوئے پر ،کیا کیجیئے​

وہ گئے وقت کی مانند نہ لوٹے گا کبھی​

اب لٹا کر یہ وفاؤں کے گہر ،کیا کیجیئے​

بے گواہی کے بھنور میں ہے مری ذات کہ اب​

آنکھ کی جھیل بھی ہوتی نہیں تر کیا کیجیئے​

بارش سنگ تو بے وجہ نہیں ہے عابد​

آگیا مجھ کو وفاؤں کا ہنر کیا کیجیئے​

​

عابد جعفری​