عاشقی میں کہاں گزند نہیں

[امر شہزاد]

عاشقی میں کہاں گزند نہیں
عشق شاخِ نبات و قند نہیں

گر نہ شامل رضائے جاناں ہو
ہجر سے وصل سر بلند نہیں

آپ کا ہر ستم گوارا ہے
ہاں مگر تابِ زہر خند نہیں

بن بندھے سب اسیر ہیں اس کے
زلف جیسی کوئی کمند نہیں

عشق سود و زیاں سے فارغ ہے
یہ گرفتارِ چون و چند نہیں

سہ رہے ہیں خوشی سے تیرِ بلا
ہم پہ راہِ فرار بند نہیں

اپنی تو ساری کائنات ہے دل
ہائے یہ دل تجھے پسند نہیں



نذر صابری​

 

[محمد وارث]

شکریہ امر شہزاد شیئر کرنے کیلیئے!

 

[جیا راؤ]

آہا آخری شعر کی تو کیا ہی بات ہے !
شئیر کرنے کا شکریہ