عدالتی فیصلہ اور فارم ہاؤس واپسی: تصاویر

[محسن وقار علی]

پاکستان کے سابق صدر پرویز مشرف کی اسلام آباد میں آمد سے قبل سکیورٹی کے سخت انتظامات کیے گئے تھے۔

بہ شکریہ بی بی سی اردو

 

[محسن وقار علی]

پاکستان کی اسلام آباد ہائی کورٹ نے اعلیٰ عدلیہ کے ججوں کو حبسِ بے جا میں رکھنے کے مقدمے میں سابق فوجی صدر پرویز مشرف کی ضمانت منسوخ کرتے ہوئے ان کی گرفتاری کا حکم دیا۔

 

[محسن وقار علی]

عدالتی فیصلے کے بعد ایک طرف وکلاء نے سابق صدر کے خلاف نعرے بازی کی تو دوسری جانب ہائی کورٹ میں موجود صدر کے حامیوں نے ان کے حق میں نعرے لگائے۔

 

[محسن وقار علی]

عدالتی کارروائی کے دوران ہی پرویز مشرف کی سکیورٹی پر تعینات نجی محافظوں اور رینجرز کے اہلکاروں نے انہیں کمرۂ عدالت سے اپنی تحویل میں لے لیا اور اسلام آباد کے مضافات میں ان کے فارم ہاؤس لے گئے اور اس موقع پر ہائی کورٹ میں تعینات اسلام آباد پولیس نے کوئی کارروائی نہیں کی۔

 

[محسن وقار علی]

جسٹس شوکت عزیز صدیقی پر مشتمل اسلام آباد ہائی کورٹ کے ایک رکنی بینچ نے جمعرات کو سابق فوجی صدر پرویز مشرف کی حفاظتی ضمانت میں توسیع سے متعلق درخواست کی سماعت کے دوران عبوری ضمانت منسوخ کرتے ہوئے ان کی گرفتاری کا حکم دیا۔

 

[محسن وقار علی]

سماعت کے دوران عدالت نے اپنے حکم میں ججوں کو حبس بےجا میں رکھنے سے متعلق مقدمے میں انسداد دہشتگردی کی دفعات کے بھی اضافے کا حکم دیا۔

 

[محسن وقار علی]

عدالتی فیصلے کے بعد سابق صدر کے فارم ہاؤس کے باہر ان کے حامیوں نے ان کے حق میں نعرے لگائے۔

 

[محسن وقار علی]

سابق صدر کی جماعت کے کوئی بیس تیس حامیوں نے جمع ہو کر ’کالے کوٹ والے‘ اور ’نواز شریف کے ایجنٹ‘ کے نعرے لگا کر کیمروں کے لیے ہائے ہائے کی۔

 

[محسن وقار علی]

پاکستان کی بعض سیاسی جماعتوں نے سابق صدر پرویز مشرف کی گرفتاری کے عدالتی حکم کا خیر مقدم کیا۔

 

[محسن وقار علی]

سابق صدر پرویز مشرف ہائی کورٹ سے واپس چک شہزاد اپنے فارم ہاؤس جارہے ہیں۔

 

[محسن وقار علی]

ٹیگ نامہ

 

[arifkarim]

ایک فوجی سیاست دان؟

 

[عسکری]

عدالت مائی فٹ ایسے کئی دیکھے ہیں ایک ہی رات میں مسئلہ حل کر سکتے ہیں ہم عسکری ۔

 

[انعام جی]

ہا ہا بالآخر سابقہ فوجی بھگوڑا" مشرف بہ جیل" ہو ہی گیا۔

 

[انعام جی]

ویسے میں تو ان ساڑھے سات لاکھ فیس بک کے فینز کو داد دیتا ہوں کہ انہوں نے اس بھگوڑے کو واپس لانے میں اہم کردار ادا کیا ہے یہ الگ بات کہ اس وقت مشرف ان سب کو اجتماعی طور پر بدعائیں دے رہا ہو گا۔
دوسری بات یہ کہ سنا ہے کہ یوسین بولٹ نے پاکستانی عدالت سے درخواست کی ہے کہ اب مشرف کو سخت پہرے میں پابند سلاسل ہی رکھا جائے کہ کہیں اگلی بار وہ عدالت سے بھاگتے ہوئے یوسین کے دوڑنے کاریکارڈ ہی نہ توڑ دیں۔

 

[شمشاد]

کیا کہنے ہیں ڈسپلن کے پابند لوگوں کے۔