عشقِ بے مہر سے نکل آیا

[ایم اے راجا]

ایک پرانی اور بھولی بسری غزل جو ہ صفائی کے دوران ہاتھ لگ گئی برائے نقید و اصلاح حاضر ہے۔

عشقِ بے مہر سے نکل آیا​

درد کے قہر سے نکل آیا​

​

میں کہ جنت تلاش کرتا ہوا​

محورِ دہر سے نکل آیا​

​

بھا گیا دشت کا سکوں مجھکو​

اس لیئے شہر سے نکل آیا​

​

اسنے تھاما جو ہاتھ کو میرے​

لڑ، کے ہر لہر سے نکل آیا​

​

شکر ہے صد مرے خدا تیرا​

زلف کے سحر سے نکل آیا​

​

فرطِ جذبات میں کہی وہ غزل​

بندشِ بحر سے نکل آیا​

​

اوڑھ کر سر پہ شام کو راجا​

زرد دوپہر سے نکل آیا​

 

[ایم اے راجا]

جناب استاد محترم اسے بھی برائے مہربانی دیکھیئے گا۔ شکریہ

 

[ایم اے راجا]

محمد خلیل الرحمٰن صاحب آپ بھی ذرا تشریف لائیے گا یہاں

 

[الف عین]

بہت خوب راجا۔ اب میرے خیال میں تم فارغ الاصلاح ہو گئے ہو۔ پہلی قرات میں تو کوئی سقم نظر نہیں آیا۔ سوائے صوتی قوافی بحر اور سحر کے

 

[سید ذیشان]

بہت خوب!

 

[ایم اے راجا]

بہت خوب راجا۔ اب میرے خیال میں تم فارغ الاصلاح ہو گئے ہو۔ پہلی قرات میں تو کوئی سقم نظر نہیں آیا۔ سوائے صوتی قوافی بحر اور سحر کے

نہیں سر اب بھی میں ویسا ہی ہوں جیسا پہلے دن تھا، پلیز اسے ایک بار پھر دیکھیئے گا، قوافی کو بھی کہ کیا دوپہر والے مصرع کا وزن ٹھیک ہے، کیونکہ مجھے دوپہر کے وزن پر شک ہے، اور بحر اور سحر والے پر بھی غور فرمائیے گا، شکریہ استاد محترم۔

 

[الف عین]

درست ہیں راجا، پہر کو دونوں طرح شعرا نے استعمال کیا ہے، یعنی ہ متحرک اور ہ ساکن۔ یہاں ساکن ہے

 

[ایم اے راجا]

درست ہیں راجا، پہر کو دونوں طرح شعرا نے استعمال کیا ہے، یعنی ہ متحرک اور ہ ساکن۔ یہاں ساکن ہے

آپکی شفقت اور محبت کے لیئے میں بہت شکر گذار ہوں۔

 

[ایم اے راجا]

درست ہیں راجا، پہر کو دونوں طرح شعرا نے استعمال کیا ہے، یعنی ہ متحرک اور ہ ساکن۔ یہاں ساکن ہے

سر کیا اس مین صوتی قوافی بحر اور سحر بھی ٹھیک ہیں ؟

 

[الف عین]

ضرور چلیں گے، اگرچہ ثقہ عروضیے قبول نہیں کرتے۔

 

[ایم اے راجا]

ضرور چلیں گے، اگرچہ ثقہ عروضیے قبول نہیں کرتے۔

شکریہ، بہت دعائیں آپ کے لیئے