تبسم عشق بے تاب آرزو ہے ابھی ۔ صوفی تبسّم

[فرخ منظور]

عشق بے تاب آرزو ہے ابھی
جانے کس شے کی جستجو ہے ابھی

سی لیا چاکِ جیبِ داماں کو
چاکِ دل تشنۂ رفو ہے ابھی

ہر نفس ایک داستان کہہ دی
ہر نفس حرفِ آرزو ہے ابھی

یوں نہ ٹھکراؤ درد مندوں کو
دہر میں غم کی آبرو ہے ابھی

تجھ سے مل کر بھی میری جانِ وفا
تجھ سے ملنے کی آرزو ہے ابھی

نقش تھے جتنے ہو گئے اوجھل
اِک حسیں یاد روبرو ہے ابھی

گُل رخوں کے حسیں تبسم میں
وہی افسونِ رنگ و بُو ہے ابھی

(صوفی تبسّم)​