بابا بلھے شاہ عشق دی نویوں نویں بہار - بلھے شاہ

[فرخ منظور]

عشق دی نویوں نویں بہار
جاں میں سبق عشق دا پڑھیا
مسجد کولوں جیوڑا ڈریا
ڈیرے جا ٹھاکر دے وڑیا
جتھے وجدے ناد ہزار
عشق دی نویوں نویں بہار
جاں میں رمز عشق دی پائی
مینا طوطا مار گوائی
اندر باہر ہوئی صفائی
جت ول ویکھاں یار و یار
عشق دی نویوں نویں بہار
ہیر رانجھے دے ہو گئے میلے
بھُلی ہیر ڈھوڈیندی بیلے
رانجھا یار بکل وچ کھیلے
مینوں سدھ رہی نہ سار
عشق دی نویوں نویں بہار
بید قرآناں پڑھ پڑھ تھکے
سجدے کر دیاں گھس گئے متھے
نہ رب تیرتھ نہ رب مکے
جس پایا تس نور انوار
عشق دی نویوں نویں بہار
پھوک مصلیٰ بھن سٹ لوٹا
نہ پھڑ تسبیح عاصا سوٹا
عاشق کہندے دے دے ہوکا
ترک حلالوں کھا مردار
عشق دی نویوں نویں بہار
عمر گوائی وچ مسیتی
اندر بھریا نال پلیتی
کدے نماز توحید نہ نیتی
ہن کیہ کرنائیں شور پُکار
عشق دی نویوں نویں بہار
عشق بھلایا سجدہ تیرا
ہن کیوں اینویں پاویں جھیڑا
بلھا ہوندا چپ بتیرا
عشق کریندا مارو مار
عشق دی نویوں نویں بہار

مشکل لفظاں دے معنے

ٹھاکر۔رب، مندر وچ رکھے بت نوں وی ٹھاکر کہندے ہین
مینا۔ بولن والی طوطی
بیلے۔ جنگل
بید۔وید، چار وید، رگ وید، سام وید، اتھر وید تے یجر وید
تیرتھ۔ پاک تھاواں تے نہاونا، ہندومت وچ عقیدہ ہے جو کئی تیرتھ ہین، بوہتے مشہور، بنارس، ہردوار، رامیشورم، ترپتی وغیرہ
انوار۔ چانن
مصلیٰ۔ دری جیس تے نماز پڑھی جاندی ہے
عاصا۔ مولانا لوکاں دے ہتھ وچ پھڑی کھونڈی
ترک۔ چھڈ دینا، کسے شے توں توبہ کر لینا
توحید۔ اکائی، عام طور تے رب دے اک ہوون لئی ورتیا جاندا ہے

 

[محمد وارث]

واہ جی واہ بہت سوہنا کلام پوسٹ کیتا تساں، تے کیا ودھیا تے لا جواب آکھیا بلھے ہوراں۔

ایس کلام دی تشریح وچ اک صوفی نے اک پوری کتاب لکھی اے، کدی موقع ملیا تو توانوں دکھاواں گا۔

 

[فرخ منظور]

واہ جی وارث صاحب بوہت شکریہ واقعی بلھے دا کلام اجیہا اے کہ اک اک کافی تے پوری کتاب لکھی جا سکدی اے -

 

[ملائکہ]

بہت بہت شکریہ توداڈا۔ مے کیا کمال ای کردیتا اے،معنی وی دے کے۔ مینوں نہیں پتہ معنی نوں کی کیندے نے پنجابی ویچ اسی لئے معنی ہی لکھ دیتا اے۔

 

[امیداورمحبت]

ذبردست ۔ ۔

 

[فرخ منظور]

بوہتا شکریہ ملائکہ تے امید اور محبت!‌

 

[فرخ منظور]

عشق دی نویوں نویں بہار
جاں میں سبق عشق دا پڑھیا
مسجد کولوں جیوڑا ڈریا
ڈیرے جا ٹھاکر دے وڑیا
جتھے وجدے ناد ہزار
عشق دی نویوں نویں بہار
جاں میں رمز عشق دی پائی
مینا طوطا مار گوائی
اندر باہر ہوئی صفائی
جت ول ویکھاں یار و یار
عشق دی نویوں نویں بہار
ہیر رانجھے دے ہو گئے میلے
بھُلی ہیر ڈھوڈیندی بیلے
رانجھا یار بکل وچ کھیلے
مینوں سدھ رہی نہ سار
عشق دی نویوں نویں بہار
بید قرآناں پڑھ پڑھ تھکے
سجدے کر دیاں گھس گئے متھے
نہ رب تیرتھ نہ رب مکے
جس پایا تس نور انوار
عشق دی نویوں نویں بہار
پھوک مصلیٰ بھن سٹ لوٹا
نہ پھڑ تسبیح عاصا سوٹا
عاشق کہندے دے دے ہوکا
ترک حلالوں کھا مردار
عشق دی نویوں نویں بہار
عمر گوائی وچ مسیتی
اندر بھریا نال پلیتی
کدے نماز توحید نہ نیتی
ہن کیہ کرنائیں شور پُکار
عشق دی نویوں نویں بہار
عشق بھلایا سجدہ تیرا
ہن کیوں اینویں پاویں جھیڑا
بلھا ہوندا چپ بتیرا
عشق کریندا مارو مار
عشق دی نویوں نویں بہار

مشکل لفظاں دے معنے

ٹھاکر۔رب، مندر وچ رکھے بت نوں وی ٹھاکر کہندے ہین
مینا۔ بولن والی طوطی
بیلے۔ جنگل
بید۔وید، چار وید، رگ وید، سام وید، اتھر وید تے یجر وید
تیرتھ۔ پاک تھاواں تے نہاونا، ہندومت وچ عقیدہ ہے جو کئی تیرتھ ہین، بوہتے مشہور، بنارس، ہردوار، رامیشورم، ترپتی وغیرہ
انوار۔ چانن
مصلیٰ۔ دری جیس تے نماز پڑھی جاندی ہے
عاصا۔ مولانا لوکاں دے ہتھ وچ پھڑی کھونڈی
ترک۔ چھڈ دینا، کسے شے توں توبہ کر لینا
توحید۔ اکائی، عام طور تے رب دے اک ہوون لئی ورتیا جاندا ہے

 

[ماظق]

واہ جی زبردست انتخاب پیش کیتا جے ۔
میرا کجھ ٹائم قصور وچ بھی گزریا اے -اوتھے مینوں میرے اک دوست نے بابا بھلے شاہ دا اک واقعہ سنایا سی،پتا نئیں سچ اے یا کُوڑ ۔ دروغ بر گردن راوی،فیصلہ آپئے کر لینا ۔
بابا جی کدھرے جا رھئے سن،انہاں دے اگے اگے تن کُڑیاں جا رھیاں سن اگے تے پیچھے آلی کُڑیاں تو درمیان آلی ودھ کے سوھنی سی،بابا جی اپنے خیالاں وچ مگن کہہ دیتا،نہ اگلی تُوں نہ پچھلی تُوں ۔ میں صدقے جاواں وچ لی تُوں ۔ کُڑیاں نے بابا جی دی گل سن کے اونہاں نُوں مارنا شروع ک دیتا،لوکاں آ کے چھڑایا تے پوچھیا،بابا جی اینہاں کُڑیاں تہانوں کیوں ماریا وے ۔
بابا بھلے شاہ بولے،پتا نئیں کیوں ماریا اے،میں تے اے کہہ رھیا سی کہ نہ اگلی توں نہ پچھلی تُوں ،میں صدقے جاواں وچ لی توں،یعنی نہ اگلی عمر دی عبادت نال تے نہ پچھلی عمر دی عبادت نال مزہ آندا اے جیہڑا مزہ درمیان آلی یعنی جوانی دی عبادت دا اے ۔

 

[فرخ منظور]

شکریہ ماظق بھائی! میرے خیال نال اے واقعہ درست معلوم نئیں ہوندا۔ ویسے وی سینہ بہ سینہ واقعہ کج توں کج ہو جاندا اے۔

 

[محسن حجازی]

ایہو جئی گلاں ایسی وی کہہ دندے آں پر کڑیاں نوں پتہ نئیں لگدا

 

[شمشاد]

اُس دور دیاں کُڑیاں تے تہاڈے دور دیاں کُڑیاں اچ فرق وی بہت اے ناں۔

 

[محمود احمد غزنوی]

ایس کافی نوں جسٹیفائی کرن لئی ایس دا ناں ای کافی ایہہ۔ ۔ یعنی "عشق دی نویوں نویں بہار"۔ ۔ ۔یعنی ایہوجئی اوپری اوپری گلّاں مرید شروع شروع وچ ہی کردا ایہہ۔ ۔ بعد وچّوں جدوں عقل ٹھکانے آجاندی ایہہ اور عشق دی بہار نویں نئی رہندی تے فیر ہر چیز اپنے اصل مقام تے نظر آن لگ پیندی ایہہ۔ ۔ گر حفظِ مراتب نہ کنی زندیقی

 

[ماظق]

شکر کرو جناب پتا نئیں لگدا نئیں تے بندہ اسپتال جان جوگا وی نئیں بچدا، کیوں جے جیہڑے سینڈل کُڑیاں نے اج کل پائے ھوندے نیں اونہاں دی چھ چھ انچ دی اڈی دی نوک سر وچ کافی ڈونگے ڈونگے نقشے بنا دیندی اے _

ایہو جئی گلاں ایسی وی کہہ دندے آں پر کڑیاں نوں پتہ نئیں لگدا

اُس دور دیاں کُڑیاں تے تہاڈے دور دیاں کُڑیاں اچ فرق وی بہت اے ناں۔