عطا تراب :::: کہیں جمال پذیری کی حد نہیں رکھتا

[طارق شاہ]

غزل​

عطا تراب​

کہیں جمال پذیری کی حد نہیں رکھتا
میں بڑھ رہا ہوں تسلسل سے قد نہیں رکھتا

یہ قبل و بعد کے اُس پار کی حکایت ہے
مِرا دوام ازل اور ابد نہیں رکھتا

وہ ایک ہوکے بھی ہم سے گِنا نہیں جاتا
وہ ایک ہوکے بھی آگے عدد نہیں رکھتا

یہ عمر بھر کی ریاضت مِرا مقدّر ہے
تراشتا ہُوں جسے خال و خد نہیں رکھتا

وہ اک سخن ہی ہماری سند نہ بن جائے
وہ اک سخن جو تمھاری سند نہیں رکھتا

تُراب کاسۂ دل پیش کردیا جائے
سُنا ہے کوئی سخاوت کی حد نہیں رکھتا

عطا تُراب​

 

[نایاب]

واہہہہہہہہہہہہہہہہہہہہہ
وہ ایک ہوکے بھی ہم سے گِنا نہیں جاتا
وہ ایک ہوکے بھی آگے عدد نہیں رکھتا

یہ عمر بھر کی ریاضت مِرا مقدّر ہے
تراشتا ہُوں جسے خال و خد نہیں رکھتا
بہت خوب انتخاب محترم طارق بھائی

 

[طارق شاہ]

واہہہہہہہہہہہہہہہہہہہہہ
وہ ایک ہوکے بھی ہم سے گِنا نہیں جاتا
وہ ایک ہوکے بھی آگے عدد نہیں رکھتا

یہ عمر بھر کی ریاضت مِرا مقدّر ہے
تراشتا ہُوں جسے خال و خد نہیں رکھتا
بہت خوب انتخاب محترم طارق بھائی

نایاب بھائی! پیش کردہ غزل پر
اپنے خیال کےاظہارپرتشکّرقبول کیجیے
بہت خوشی ہوئی جو مُنتخبہ غزل آپ کو پسند آئی

بہت خوش رہیں

 

[غدیر زھرا]

کیا کہنے -

وہ ایک ہوکے بھی ہم سے گِنا نہیں جاتا
وہ ایک ہوکے بھی آگے عدد نہیں رکھتا

 

[طارق شاہ]

کیا کہنے -

وہ ایک ہوکے بھی ہم سے گِنا نہیں جاتا
وہ ایک ہوکے بھی آگے عدد نہیں رکھتا

تشکّر غدیر زھرا صاحبہ اظہار خیال پر
بہت خوش رہیں