کیونکہ یہ دھماکے اب روز کا معمول بن چکے ہیں۔ یہ سب تحریک انصاف کے خیبرپختواہ میں حکومت میں آنے سے بہت پہلے سے ہو رہا ہے۔ جہاں پورے پاکستان میں سالانہ 200 حملے ہوتے ہیں وہاں خیبر پختونخواہ اکیلے میں 170 کیونکہ یہ علاقہ جہادی وزیراستان سے قریب ترین ہے۔ اگر وفاقی حکومت کو خیبر پختونخواہ کی عوام کی اتنی ہی فکر ہے تو بجائے پاک فوج وزیرستان میں اتارنے کے پشاور اور اس سے ملحقہ علاقوں میں اتاریں تاکہ وہاں موجود پاکستانی شہری چین کی نیند سو سکیں۔ یوں بیان بازی سے کچھ بھی نہیں ہونے والا کیونکہ خیبرپختواہ کی حکومت کے پاس دہشت گردی سے لڑنے کیلئے وسائل محدود ہیں۔
دھماکے روز کا معمول بن گئے تو کیا اس کا مطلب ہے کہ یہ قابلِ برداشت ہو گئے ہیں؟ اس قدر غیر ہمدردانہ اور cold بات کوئی پی ٹی آئی کا جیالہ ہی کر سکتا ہے۔ ان سے پوچھیں جن کے گھر صفِ ماتم بچھا ہوا ہے! حضرت عمر تو فرماتے تھے کہ فرات کے کنارے کوئی کتا بھی پیاسا مرے تو میں زمہ دار ہوں، یہاں یہ لوگ روز کے حساب سے مرنے والے لوگوں کو پرسہ دینے تک نہیں جاتے؟ اور قاتلوں کے لئے تاویلیں ڈھونڈھتے ہیں اور ہمدردیاں جتاتے ہیں۔
پشاور میں فوجی چھاونی واقعہ ہے اس کے علاوہ ایف سی کا پروینشل ہیڈ کوارٹر بھی قلعہ بالاحصار پشاور میں ہے۔ لیکن چھاونی والے صرف اپنی حفاظت کے لئے ناکے لگاتے ہیں، عوام کو کھلا چھوڑا ہے ان درندوں کے لئے۔ کے پی کے حکومت طالبان سے سخت ڈری ہوئی ہے اور چاہتی ہے کہ ان کا حال بھی اے این پی جیسا نہ ہو جائے (آئے روز اے این پی کے ورکرز اور لیڈران کو طالبان قتل کرتی تھی) تو اسی لئے لگی ہوئی ہے طالبان کی ترلے منتیں کرنے۔ اس کے علاوہ پی ٹی آئی کے ورکرز اور لیڈران میں طالبانی سوچ بھی کافی حد تک موجود ہے۔ یہ سب زمینی حقائق ہیں۔ ان سے آنکھیں موڑنے سے سبکی ہی ہو گی۔
اگر کسی کا یہ خیال ہے طالبان سے مذاکرات سے طالبان مسئلے کا حل ہو جائے گا تو یا تو وہ پی ٹی آئی کا کارکن یا ہمدرد ہے یا پھر طالبان کی تاریخ سے بالکل ہی بے بہرہ ہے۔
