جن کی عید ہے ان کو تو مار رہے ہیں اور خود خوشی منا رہے ہیں ۔کیا یہ کھلا تضاد نہیں؟
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
اس سے پہلے کہ ميں آپ کی پوسٹ کا جواب دوں، ميں چاہوں گا کہ آپ ذيل ميں دی گئ اس ويڈيو کو ديکھيں جو کہ ايک ايسے پاکستانی فوجی نے کچھ عرصہ قبل پوسٹ کی تھی جو عيد کے روز وزيرستان ميں اپنے فرائض انجام دے رہا تھا۔
اب ميرا آپ سے سوال ہے کہ کيا ان فوجيوں کو مدد فراہم کرنے پر آپ ہميں پاکستان کا دشمن قرار دے سکتے ہيں - يہ جانتے ہوئے کہ ہم ان عناصر کے خلاف جدوجہد کر رہے ہيں جو رمضان کے مقدس مہينے اور عيد کے تہوار جيسے موقعوں کی پرواہ کيے بغير مسلسل بے گناہ شہريوں کو نشانہ بنا رہے ہيں؟
پاکستانيوں کی عيد کو غارت کرنے کا ذمہ کس کے سر ہے؟ وہ جو پاکستان کے شہريوں اور فوجيوں کو ہلاک کر رہے ہيں يا وہ جو پاکستان کے محافظوں تک وسائل کی ترسيل کو يقينی بنا رہے ہيں؟
کچھ رائے دہندگان کے ليے يہ بہت سہل ہے کہ امريکہ کے خلاف دھڑلے سے فقرے بازی شروع کر ديتے ہيں اور ہميں تنقيد کا نشانہ بناتے ہيں۔ وہ زمينی حقائق اور اس حقيقت کا ادراک کرنے سے قاصر ہيں کہ ہم پاکستان کی افواج کو روزانہ کی بنياد پر مدد اور سپورٹ فراہم کر رہے ہيں۔
ان مسلمان بھائيوں کی قربانيوں کو بھی اپنے سوچ کے احاطے ميں شامل کریں اور پھر يہ سوال اٹھائيں کہ کيا ان مجرموں کا دفاع کرنا درست ہے جو ان فوجيوں کے خلاف لڑائ ميں مصروف ہیں؟ اور کيا آپ انصاف کے تقاضوں کو ملحوظ رکھتے ہوئے ہميں دشمن قرار دے سکتے ہيں، يہ جانتے ہوئے کہ ہم پاکستان کی افواج کو مکمل سپورٹ اور امداد فراہم کر رہے ہيں جس ميں وسائل کا اشتراک، تربيت اور ساز و سامان کی دستيابی بھی شامل ہے؟
دہشت گرد تنظيميں اور ان کی وہ مکروہ سوچ جو ايک خودکش حملہ آور کو اس بات کے ليے قائل کرتی ہے کہ وہ کوئٹہ ميں عيد کی نماز کے موقع پر قانون نافذ کرنے والے اداروں کے اہم ترين اہلکاروں کو اپنا نشانہ بنائيں، پاکستان کے مسلمانوں کی عید اور اس سے وابستہ خوشيوں کو ملياميث کرنے کی اصل وجہ ہيں۔يہ الزام امريکہ کے سر تھوپنا سراسر ناانصافی ہے کيونکہ ہماری جانب سے تو دہشت گردی کے ہر ايسے واقعے کی نا صرف يہ کہ مذمت کی جاتی ہے بلکہ ان مجرموں کو کيفر کردار تک پہنچانے کے ليے ہم حکومت پاکستان کو ہر ممکن مدد بھی فراہم کرتے ہيں۔
پاکستان کے ساتھ آپ کی جذباتی وابستگی کا تقاضا ہے کہ اپنے غم وغصے کا اظہار دہشت گردی اور اس عفريت کی ذمہ دار تنظيموں کی جانب کريں۔
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
www.state.gov
http://www.facebook.com/USDOTUrdu
http://s12.postimg.org/vfb6pryh9/eid_urdu.jpg
