بابا بلھے شاہ عِلموں بس کریں او یار!

[قمراحمد]

عِلموں بس کریں او یار!
حضرت بابا بُلّھے شاہ دا کلام

عِلموں بس کریں او یار!

اِکّو الف ترے درکار

عِلم نہ آوے وچ شُمار!

جاندی عُمر، نہیں اِعتبار

اِکّو الف ترے درکار

عِلموں بس کریں او یار!

عِلموں بس کریں او یار!

پڑھ پڑھ لکھ لکھ لاویں ڈھیر

ڈھیر کتاباں چار چوپھیر

گِردے چانن وچّ انھیر

پُچھّو: “راہ؟“ تے خبر نہ سار

عِلموں بس کریں او یار!

پڑھ پڑھ نفل نماز گزاریں

اُچیاں بانگاں، چانگاں ماریں

مِنبر تے چڑھ، وُعظ پُکاریں

کیتا تینوں علم خوار

عِلموں بس کریں او یار!

عِلموں پئے قِضیّے ہور

اکھّاں والے انّھے کور

پھڑدے سادھ، تے چھڈن چور

دو ہِیں جہانِیں، ہون خوار

عِلموں بس کریں او یار!

ڑھ پڑھ شیخ مشائخ کہاویں

اُلٹے مَسلے گھروں بناویں

بے عِلماں نوں لُٹ لُٹ کھاویں

جھوٹے سچے کریں اقرار

عِلموں بس کریں او یار!

پڑھ پڑھ مُلاں ہوئے قاضی

اللہ عِلماں باجھوں راضی

ہووے حرص دنوں دِن تازی

تینوں کیتا حرص خوار

عِلموں بس کریں او یار!

پڑھ پڑھ مسئلے پیا سناویں

کھانا شکّ شُبھے دا کھاویں

دسیں ہور تے ہور کماویں

اندر کھوٹ باہر سُچیار

عِلموں بس کریں او یار!

جد میں سبق عشق دا پڑھیا

دریا دیکھ وحدت دا وڑیا

گھمّن گھیریاں دے وچ اڑیا

شاہ عنایت لا یا پار!

عِلموں بس کریں او یار!​

 

[فرخ منظور]

واہ جی واہ! بلھے شاہ دی گل ای ہور اے۔ شکریہ جناب قمر صاحب!

 

[محمد وارث]

واقعی کیا بات اے بابے ہوراں دی، شکریہ جناب قمر صاحب ایہہ سبق فیر یاد کران لئی!

 

[امیداورمحبت]

عِلموں بس کریں او یار!

کیا کہنے بلحے شاہ دے تے توڈا بھی شکریہ

 

[شمشاد]

بوت عرصہ پہلے پڑھیا سی۔ اج فیر پڑھ کے مزہ آیا۔ تہاڈا بہت بہت شکریہ قمر بھرا۔

 

[شہزاد وحید]

کمال اے ۔۔۔۔۔۔۔۔۔۔

 

[زونی]

واہ بہت خوب کلام اے ، شکریہ شئیر کرن لئی ۔۔۔۔۔۔۔۔۔۔۔

 

[stranger]

بہت عمدہ شئیرنگ ہے

 

[خرم]

اکو الف تینوں‌درکار

 

[شمشاد]

خرم بھائی میں جان بوجھ کر اس دھاگے پر دوبارہ آیا ہوں۔ مجھے علم تھا کہ آپ اس دھاگے پر ضرور آئے ہوں گے۔ اور میرا اندازہ بالکل درست ثابت ہوا۔

 

[خرم]

یہ تو آپ کی ذرہ نوازی ہے شمشاد بھائی کہ محبتوں کے اس ہجوم میں مجھ ایسے نکمے کو یاد رکھا۔ زہے نصیب