عید اِس بار جو پردیس میں آئی ہو گی ۔ شہزاد قیس

[عمر سیف]

عید اِس بار جو پردیس میں آئی ہوگی
یار نے ہچکیاں لے لے کے منائی ہوگی

چاند بھی بام پہ ماتم کناں آیا ہوگا
بزمِ غم قطبی ستارے نے سجائی ہوگی

رَنگ تو میرا پسندیدہ ہی پہنا ہوگا
نام کی مہندی بھی غلطی سے لگائی ہوگی

سابقہ عید کا منظر کوئی یاد آتے ہی
لاج کے مارے نظر اُس نے جھکائی ہوگی

میرے معیار پہ گھر سارا سجانے کے بعد
ایک ڈِش میری پسندیدہ بنائی ہوگی

پھر غزل کھول کے تعویذ پڑھی ہوگی مری
آہ مشکل سے کلیجے میں دَبائی ہوگی

اپنے پلو سے مری یاد کو پونچھا ہوگا
تیز غازے سے ہنسی رُخ پہ سجائی ہوگی

پہلے تو اُس نے گنے ہوں گے کئی سو تارے
پھر دَوا نیند کی اُٹھ کر کوئی کھائی ہوگی

عقل بولی کہ نہیں عید صنم کی ایسے
دِل بضد ہے کہ نہیں ایسے ہی آئی ہوگی

یا تو اِحساسِ ندامت نے رُلایا ہو گا
یا غزل قیس کی شوہر نے سنائی ہوگی

شہزاد قیس​

 

[عمر سیف]

غدیر زھرا نیلم ٹیگ کریں۔

 

[غدیر زھرا]

غدیر زھرا نیلم ٹیگ کریں۔

جی بھیا
ٹیگ نامہ

 

[عمر سیف]

جی بھیا
ٹیگ نامہ

میں پہلے ہی بھیا کہنے سے تنگ ہوں آپ مجھے بھی اسی صف میں کھڑا کر رہی ہیں

 

[محدثہ]

یا غزل قیس کی شوہر نے سنائی ہوگی
اسکی شادی ہو گئی
۔۔۔۔۔۔۔۔۔۔۔۔
اچھی غزل ہے۔ خوب !
مگر یہ مقطع میں کیا ہو گیا

 

[غلام ربانی فدا]

اچھی غزل ہے۔ خوب

 

[زبیر مرزا]

اب عید دیس میں آئے یا پردیس میں ایک سی ہوتی جارہی ہے دیس سے جو خبریں آرہی ہیں ان سے دل رنج سے بھراجاتا ہے
عید بچپن کی ہوتی تھی بے خبری میں اپنے آپ میں مگن - اب توعید منانے اور مسکرانے کو بڑی ہمت چاہیے

 

[عمراعظم]

بہت خوب۔

 

[نایاب]

واہہہہہہہہہہہہہہ
اداس کرتی نظم ۔۔۔۔۔
پہلے تو ہم نے گنے ہوں گے کئی سو تارے
پھر دَوا نیند کی اُٹھ کر کوئی کھائی ہوگی

 

[عینی شاہ]

بےچاری

 

[غدیر زھرا]

میں پہلے ہی بھیا کہنے سے تنگ ہوں آپ مجھے بھی اسی صف میں کھڑا کر رہی ہیں

کیوں بھلا تنگ کیوں ہیں آپ---؟
اور مزید تنگ کرنے کو میں اپنا فرض سمجھ کر ادا کرتی رہوں گی بھیا

 

[عمر سیف]

کیوں بھلا تنگ کیوں ہیں آپ---؟
اور مزید تنگ کرنے کو میں اپنا فرض سمجھ کر ادا کرتی رہوں گی بھیا

کچھ اور کہہ لیں بھیا نا کہیں۔ بھائی کہہ لیں۔ لالہ کہہ لیں۔

 

[غدیر زھرا]

کچھ اور کہہ لیں بھیا نا کہیں۔ بھائی کہہ لیں۔ لالہ کہہ لیں۔

اوکے لالہ

 

[عمر سیف]

اوکے لالہ