ذکی انور ہمدانی
محفلین
پیشِ خدمت ہے خاکسار کا کلام، یومِ عید کی خوشیاں و شادمانیاں بے شمار، یادیں لازوال، شاید ہی کوئی نغمہ ہو جو روزِ عید کو احساسات و جذبات کو عیاں و بیاں کر سکتا ہو، خاکسار کی ایک ادنیٰ کوشش،
صُبحِ روشن کو أزنِ تَکلُّم مِلا
بھیگے مَوسم کو اور گُل فَشاں مِل گیا
بُلبُلیں نَغمہ خواں پھر سے ہونے لَگیں
ڈُھونڈتی تھیں جِسے وہ سَماں مِل گیا
مُسکُرانے لَگی دیکھ قَوسِ قَزَح
عید کا دن، بڑا شادماں مِل گیا
پیرہن کی مَہک گُل کو شرما گئی
گُل کو کھویا ہُوا رازداں مِل گیا
اُن کے آداب پَر جَب نِگاہیں مِلیں
چشمِ اُلفت میں جو تھا نِہاں، مِل گیا
ہے فَسونِ سُکوں واصلِ شامِ عید
گویا خوشیوں کا کامِل جَہاں مِل گیا
عید کے دن ہو یاروں کی مَحفل جَواں
رازِ دِل کا حسیں تَرجُماں مِل گیا
رات کے گیسوؤں کے کُھلے پیچ و خَم
اَلف اَنجُم کا ہَر رازداں مِل گیا
یہ تَخیّل، یہ رَنگیں نَوائے سُخَن
آخِرَش نَغمَۂ جاوِداں مِل گیا
کلامِ ذکی انور ہمدانی
میلبورن، آسٹریلیا
یکم شوّال ۱۴۴۳
۲ِ مئی ۲۰۲۲
صُبحِ روشن کو أزنِ تَکلُّم مِلا
بھیگے مَوسم کو اور گُل فَشاں مِل گیا
بُلبُلیں نَغمہ خواں پھر سے ہونے لَگیں
ڈُھونڈتی تھیں جِسے وہ سَماں مِل گیا
مُسکُرانے لَگی دیکھ قَوسِ قَزَح
عید کا دن، بڑا شادماں مِل گیا
پیرہن کی مَہک گُل کو شرما گئی
گُل کو کھویا ہُوا رازداں مِل گیا
اُن کے آداب پَر جَب نِگاہیں مِلیں
چشمِ اُلفت میں جو تھا نِہاں، مِل گیا
ہے فَسونِ سُکوں واصلِ شامِ عید
گویا خوشیوں کا کامِل جَہاں مِل گیا
عید کے دن ہو یاروں کی مَحفل جَواں
رازِ دِل کا حسیں تَرجُماں مِل گیا
رات کے گیسوؤں کے کُھلے پیچ و خَم
اَلف اَنجُم کا ہَر رازداں مِل گیا
یہ تَخیّل، یہ رَنگیں نَوائے سُخَن
آخِرَش نَغمَۂ جاوِداں مِل گیا
کلامِ ذکی انور ہمدانی
میلبورن، آسٹریلیا
یکم شوّال ۱۴۴۳
۲ِ مئی ۲۰۲۲