غزلِ شفیق خلش "ابھی کچھ ہیں مِلنے کو باقی سزائیں"

[طارق شاہ]

غزلِ
شفیق خلش​

ابھی کچھ ہیں مِلنے کو باقی سزائیں
وہ گِنتے ہیں بیٹھے ہماری خطائیں ​

نہیں آتے پل کو جو پہروں یہاں تھے
اثر کھو چکی ہیں سبھی اِلتجائیں ​

زمانہ ہُوا چھوڑ آئے وطن میں
نظر ڈُھونڈتی ہے اب اُن کی ادائیں​

مِرے خونِ ناحق پہ اب وہ تُلے ہیں
جو تھکتے نہ تھے لے کے میری بَلائیں​

خَلِش تم زمیں کے، وہ ہیں آسمان پر
بھلا کیسے سُنتے تمہاری صدائیں​

شفیق خلش ​

 

[سید زبیر]

مِرے خونِ ناحق پہ اب وہ تُلے ہیں
جو تھکتے نہ تھے لے کے میری بَلائیں
سبحان اللہ عمدہ کلام ہے

 

[زبیر مرزا]

واہ بہت خوب

 

[طارق شاہ]

جناب زبیر صاحب
خوشی ہوئی جو انتخاب آپکو پسند آیا
اظہار خیال کے لئے دلی تشکّر

 

[طارق شاہ]

جناب زحال مرزا صاحب
آپ کا اظہار خیال دلی طمانیت کا باعث ہوا
بہت خوشی ہوئی جو انتخاب غزل آپ کے ذوق بسیار خوب کے مطابق ٹھری
تشکّر

 

[نایاب]

بہت خوب شراکت
زمانہ ہُوا چھوڑ آئے وطن میں
نظر ڈُھونڈتی ہے اب اُن کی ادائیں

 

[طارق شاہ]

جناب نایاب صاحب
اظہارِ خیال کے لئے تشکّر
مُسّرت سے دوچار ہوا جو انتخاب غزل آپ کے ذوقِ خوب کو راس آئی
بہت شکریہ​

 

[کاشفی]

بہت خوب انتخاب ہےجناب۔ بہت عمدہ!

 

[طارق شاہ]

جناب کاشفی صاحب
انتخاب کی پذیرائی کے لئے صمیم دل سے سپاس گزار ہوں
اظہار خیال کے لئے تشکّر ، بہت خوشی ہوئی کہ انتخاب غزل ذوق جمیل پر پوری اتری