الف عین
لائبریرین
غزل
عزیز بانو داراب وفا
یہ فیصلہ بھی مرے اس کے درمیاں کر دے
مجھے سراب بنا، اس کو کارواں کر دے
وہ لوٹ کر نہیں آتا تو انتقاماً ہی
مجھے بھی اس کی فقط عمر رائگاں کر دے
کسی طرح تو وہ شامل ہو زندگی میں مری
جو ہو سکے تو اسے میری داستاں کر دے
وہ آفتاب سہی اک نئے سویرے کا
مجھے چراغ سے اٹھتا ہوا دھُواں کر دے
بنا کے دھُوپ مجھے شب کی چاندنی دن کی
مرے وجود میں مجھ کو کہیں نہاں کر دے
میں شاخ سبز ہوں، مجھ کو اتار کاغذ پر
مری تمام بہاروں کو بے خزاں کر دے
ٹائپنگ: اعجاز عبید
عزیز بانو داراب وفا
یہ فیصلہ بھی مرے اس کے درمیاں کر دے
مجھے سراب بنا، اس کو کارواں کر دے
وہ لوٹ کر نہیں آتا تو انتقاماً ہی
مجھے بھی اس کی فقط عمر رائگاں کر دے
کسی طرح تو وہ شامل ہو زندگی میں مری
جو ہو سکے تو اسے میری داستاں کر دے
وہ آفتاب سہی اک نئے سویرے کا
مجھے چراغ سے اٹھتا ہوا دھُواں کر دے
بنا کے دھُوپ مجھے شب کی چاندنی دن کی
مرے وجود میں مجھ کو کہیں نہاں کر دے
میں شاخ سبز ہوں، مجھ کو اتار کاغذ پر
مری تمام بہاروں کو بے خزاں کر دے
ٹائپنگ: اعجاز عبید
