غزل - آنکھ برسی ہے ترے نام پہ ساون کی طرح - مرتضٰی برلاس بیگ

[پیاسا صحرا]

آنکھ برسی ہے ترے نام پہ ساون کی طرح
جسم سلگا ہے تری یاد میں ایندھن کی طرح

لوریاں دی ہیں کسی قرب کی خواہش نے مجھے
کچھ جوانی کے بھی دن گزرے ہیں بچپن کی طرح

اس بلندی سے مجھے تو نے نوازا کیوں تھا
گر کے ٹوٹ گیا کانچ کے برتن کی طرح

مجھ سے ملتے ہوئے یہ بات تو سوچی ہوتی
میں ترے دل میں سماجاؤں گا دھڑکن کی طرح

منتطر ہے کسی مخصوص سی آہٹ کے لیے
زندگی بیٹھی ہے دہلیز پہ برہن کی طرح

مرتضٰی برلاس بیگ

 

[کاشفی]

مجھ سے ملتے ہوئے یہ بات تو سوچی ہوتی
میں ترے دل میں سماجاؤں گا دھڑکن کی طرح

مرتضٰی برلاس بیگ

بہت عمدہ انتخاب ہے جناب۔۔خوش رہیں۔۔۔

 

[ایم اے راجا]

لوریاں دی ہیں کسی قرب کی خواہش نے مجھے
کچھ جوانی کے بھی دن گزرے ہیں بچپن کی طرح

اس بلندی سے مجھے تو نے نوازا کیوں تھا
گر کے ٹوٹ گیا کانچ کے برتن کی طرح

مجھ سے ملتے ہوئے یہ بات تو سوچی ہوتی
میں ترے دل میں سماجاؤں گا دھڑکن کی طرح
واہ واہ بہت خوب، پیاسا صحرا جی، میری پسندیدہ غزل شیئر کرنے کا

 

[امیداورمحبت]

منتطر ہے کسی مخصوص سی آہٹ کے لیے
زندگی بیٹھی ہے دہلیز پہ برہن کی طرح

بہت خوب

 

[شاہ حسین]

بہت خوب جناب پیاسا صحرا

 

[مغزل]

کیا کہنے پیاسا صحرا صاحب ۔
واہ بہت خوب ، میں رات ہی مرتضی برلاس ( گرہِ نیم باز ) پڑھ رہا تھا، رات ٹائپ کر کے رکھی ، مگر صبح آپ بازی لے گئے ۔
مولیٰ سلامت رکھے ، سدا خوش رہیں‌جناب ، بہت خوب کلام پیش کیا ہے۔

 

[پیاسا صحرا]

کیا کہنے پیاسا صحرا صاحب ۔
واہ بہت خوب ، میں رات ہی مرتضی برلاس ( گرہِ نیم باز ) پڑھ رہا تھا، رات ٹائپ کر کے رکھی ، مگر صبح آپ بازی لے گئے ۔
مولیٰ سلامت رکھے ، سدا خوش رہیں‌جناب ، بہت خوب کلام پیش کیا ہے۔

محترم معذرت کہ مجھے اس بات کا علم نہ تھا ۔

 

[مغزل]

نہیں ایسا نہیں دوست ، میں نے صرف ’’ دل کو دل سے راہ ‘‘ ہونے کی بات کی ہے ، آئندہ خیال رکھوں گا، شرمندگی سے بچائیں‌اور یہ معذرت کے الفاظ مدون کرلیں۔ پیشگی شکریہ

 

[محمد وارث]

واہ بہت خوبصورت غزل ہے، بہت شکریہ جناب پوسٹ کرنے کیلیے!

 

[الف عین]

اچھی غزل ہے، لیکن
س بلندی سے مجھے تو نے نوازا کیوں تھا
گر کے ٹوٹ گیا کانچ کے برتن کی طرح
کے دوسرے مصرعے میں ’گر کے میں ٹوٹ گیا‘ ہونا چاہئے۔
یہ مرتضیٰ برلاس صاحب بیگ بھی ہیں؟؟

 

[محمداحمد]

س بلندی سے مجھے تو نے نوازا کیوں تھا
گر کے ٹوٹ گیا کانچ کے برتن کی طرح

بہت ہی خوبصورت غزل ہے۔

 

[شیزان]

لوریاں دی ہیں کسی قرب کی خواہش نے مجھے​

کچھ جوانی کے بھی دن گزرے ہیں بچپن کی طرح​

اس بلندی سے مجھے تو نے نوازا کیوں تھا​

گر کے ٹوٹ گیا کانچ کے برتن کی طرح

سدابہار غزل۔۔ اور اعجاز قیصر نے کیا خوب گایا اسے۔۔​

 

[امیر حمزہ]

واہ۔ بہت عمدہ انتخاب