غزل اصلاح کے لیے پیش ہے" میں آج اپنے گھر میں ہی مہمان ہوگیا"

[شکیب]

تقطیع میں درست ہے ۔۔۔ میں سمجھا نہیں آپ کس طرف توجہ دلا رہے ہیں ؟؟؟

عیب تنافر

تنافر ہی کی طرف اشارہ تھا،ورنہ آپ کا دیا مصرع زیادہ موزوں ہے۔

 

[شکیب]

عرض کرنے کی جسارت کی تھی

ایسی جسارتوں کی شاعروں کو بہت ضرورت ہوتی ہے۔

 

[سید اسد معروف]

ایک شعر اور یاد آگیا۔
خاموش تھا جِفا پہ، فرشتہ تھا کل تلک
حق مانگنے سے آج میں 'شیطان' ہو گیا

 

[ظہیراحمدظہیر]

بہت خوب اسد بھائی ! خوبصورت!! واہ!

ہم نے بھی آنکھ موند لی اندھوں کے شہر میں​

جینا بہت کٹھن تھا ، سو آسان ہو گیا

کیا چھا شعر ہے!! بہت داد آپ کے لئے ۔

مطلع کے مصرع اول میں ’’تو‘‘ پر پیش لگا دیجیے تاکہ تُو پڑھا جائے ورنہ تعقید کا امکان ہے ۔
سرطان والا شعر خوب ہے ۔ اچھا خیال ہے ۔ لیکن سم اس طرح مفرد عمومًا مستعمل نہیں۔ ہمیشہ ترکیب کی صورت میں ملتا ہے ۔ چنانچہ نامانوس سا لگ رہا ہے ۔ ویسے بھی سم گھولنے کے بجائے زہر گھولنا درست محاورہ ہے ۔ اگر کوئی اور بہتر صورت ہوسکے تو دیکھ لیجیے۔​

 

[سید اسد معروف]

بہت خوب اسد بھائی ! خوبصورت!! واہ!

ہم نے بھی آنکھ موند لی اندھوں کے شہر میں
جینا بہت کٹھن تھا ، سو آسان ہو گیا

کیا چھا شعر ہے!! بہت داد آپ کے لئے ۔

مطلع کے مصرع اول میں ’’تو‘‘ پر پیش لگا دیجیے تاکہ تُو پڑھا جائے ورنہ تعقید کا امکان ہے ۔
سرطان والا شعر خوب ہے ۔ اچھا خیال ہے ۔ لیکن سم اس طرح مفرد عمومًا مستعمل نہیں۔ ہمیشہ ترکیب کی صورت میں ملتا ہے ۔ چنانچہ نامانوس سا لگ رہا ہے ۔ ویسے بھی سم گھولنے کے بجائے زہر گھولنا درست محاورہ ہے ۔ اگر کوئی اور بہتر صورت ہوسکے تو دیکھ لیجیے۔​

بہت نوازش ظہیر بھائی!
آپ کی رائے ہمارے لیے بہت اہم ہے۔ میں بہتر کرکے دوبارہ حاضر ہوتا ہوں۔
زیر تو مجھے آسانی سے مل گئی تھی سو میں اکثر استعمال کرتا ہوں۔ پیش ابھی تک کی بورڈ میں میرے ہاتھ نہیں لگی۔

 

[سید اسد معروف]

ایک شعر اور یاد آگیا۔
خاموش تھا جِفا پہ، فرشتہ تھا کل تلک
حق مانگنے سے آج میں 'شیطان' ہو گیا

بحرِ تخیلات میں اب تک سکوت تھا
جانے کہاں سے حشر کا سامان ہو گیا

 

[حنیف خالد]

ماشاء اللہ بہت خوب

 

[سید اسد معروف]

ماشاء اللہ بہت خوب

بہت شکریہ خالد صاحب۔

 

[سید اسد معروف]

دوبارہ حاضر ہے،آپ سب احباب کی رائے کے لیے۔۔۔۔۔۔

غزل---مفعول فاعلات مفاعیل فاعِلن
مضارع مثمن اخرب مکفوف محذوف
پہچانتے ہوئے بھی تو انجان ہو گیا
اپنے ہی گھرمیں آج میں مہمان ہو گیا
پورا جو تیرے وصل کا ارمان ہو گیا
پا کر تجھے میں اور پریشان ہو گیا
بحرِ تخیلات میں اب تک سکوت تھا
جانے کہاں سے حشر کا سامان ہو گیا
خاموش تھا جِفا پہ، فرشتہ تھا کل تلک
حق مانگنے سے آج میں 'شیطان' ہو گیا
پہلےتو بزمِ یار میں تنہا تھا صرف میں
پھر یوں ہوا کہ شہر بھی ویران ہوگیا
سپنے مری رگوں میں زہر گھولتے رہے
آخر کو خواہِشات کا سرطان ہو گیا
ہم نے بھی آنکھ موند لی، اندھوں کے شہر میں
جینا بہت کٹھن تھا ، سو آسان ہو گیا

 

[ظہیراحمدظہیر]

دوبارہ حاضر ہے،آپ سب احباب کی رائے کے لیے۔۔۔۔۔۔

سپنے مری رگوں میں زہر گھولتے رہے
آخر کو خواہشات کا سرطان ہوگیا

اسد بھائی ۔ یہاں آپ نے زہر کا تلفظ بروزن جگر باندھ دیا ہے ۔ اس لئے وزن خراب ہوگیا ۔ اسے درست کرنا ہوگا۔

 

[سید اسد معروف]

سپنے مری رگوں میں زہر گھولتے رہے
آخر کو خواہشات کا سرطان ہوگیا

اسد بھائی ۔ یہاں آپ نے زہر کا تلفظ بروزن جگر باندھ دیا ہے ۔ اس لئے وزن خراب ہوگیا ۔ اسے درست کرنا ہوگا۔

تصحیح کے لئے بہت شکریہ۔ ذرا اس مصرعے کو دیکھ لیجئے۔
خوابوں کا زہر ، خون میں یوں پھیلتا رہا
آخر کو خواہشات کا سرطان ہو گیا

 

[ظہیراحمدظہیر]

تصحیح کے لئے بہت شکریہ۔ ذرا اس مصرعے کو دیکھ لیجئے۔
خوابوں کا زہر ، خون میں یوں پھیلتا رہا
آخر کو خواہشات کا سرطان ہو گیا

چلے گا اسد بھائی ۔

 

[سید اسد معروف]

چلے گا اسد بھائی ۔

تّشکر ظہیر بھائی