منیر نیازی غزل -ان سے نین ملا کے دیکھو -منیر نیازی

[پیاسا صحرا]

غزل

ان سے نین ملا کے دیکھو
یہ دھوکا بھی کھا کے دیکھو

دوری میں کیا بھید چھپا ہے
اس کا کھوج لگا کے دیکھو

کسی اکیلی شام کی چپ میں
گیت پرانے گا کے دیکھو

آج کی رات بہت کالی ہے
سوچ کے دیپ جلا کے دیکھو

دل کا گھر سنسان پرا ہے
دکھ کی دھوم مچا کے دیکھو

جاگ جاگ کر عمر کٹی ہے
نیند کے دوارے جا کے دیکھو

منیر نیازی​

 

[محمود احمد غزنوی]

شکریہ جناب۔ ۔ ۔آپکے دستخط میں جو فونٹ ہے بہت پیارا ہے۔ کیا بتانا پسند کریں گے کہ یہ کدھر سے دتیاب ہوسکتا ہے۔

 

[امیداورمحبت]

خوب۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[الف عین]

اچھی غزل ہے، شکریہ پیاسا صحرا۔
اور محمود، اگر تم کو ان کی دستخط کا فانٹ اچھا لگ رہا ہے تو مطلب یہ کہ یہ فانٹ تمہارے پاس پہلے سے موجود ہے، پھر دستیابی کی کیا فکر، آم کھاؤ پیڑ کیا گنتے ہو!!

 

[محمود احمد غزنوی]

لیکن مین اس فونٹ میں اگر لکھنا چاہوں تو کیسے؟

 

[شاہ حسین]

اچھی غزل ہےجناب پیاسا صحرا صاحب ۔

محمود غزنوی صاحب میرے پاس یہ فونٹ نہیں ہے اس لئے توماہا میں ہے نظر آرہا ہے اس کا آسان طریقہ یہ ہے آپ ورڈ پیڈ میں ہر فوفٹ کو چیک کر لیں‌انُ ہی میں سے کوئی ہوگا ۔

 

[ناز پری]

اچھی غزل ہے

 

[محمد وارث]

شکریہ جناب شیئر کرنے کیلیے، اچھی غزل ہے!

 

[محمداحمد]

بہت عمدہ!

شکریہ نیرنگ خیال بھائی!

کسی پاکستانی گلوکار نے یہ غزل گائی بھی ہے اور ہم اب تک اسے گانا ہی سمجھتے تھے ۔

 

[نیرنگ خیال]

بہت عمدہ!

شکریہ نیرنگ خیال بھائی!

کسی پاکستانی گلوکار نے یہ غزل گائی بھی ہے اور ہم اب تک اسے گانا ہی سمجھتے تھے ۔

نجم شیراز نے گایا ہے اسے

 

[فرخ منظور]

فلمسٹار زیبا پر کیا خوبصورت فلمایا گیا ہے اس غزل کو، میڈم نور جہاں کی آواز میں فلم تیرے شہر میں، موسیقار حسن لطیف