اے پریشاں ربط دیکھیں کب تلک یہ دور ہے۔۔۔۔۔مصائب و آلام سے دوچار ہیں تو دیکھیں کب تک یہ سلسلہ رہتا ہے
ہر گلی کوچے میں تیرا اک دعا گو اور ہے۔۔۔۔۔۔۔۔۔۔ اِن سے بخیروعافیت نکلنا محال ہے اِس لیے ہر کوئی مبتلا کی عافیت کے لیے دعا گو ہے
بال بل کھائے ہوئے پیچوں سے پگڑی کے گتھے۔۔گُتھے یعنی ایک بل دار چیز کا دوسری بل دار چیز میں گتھ جانا۔۔۔بالوں یعنی چوٹی ، چٹیا سے بھی غضب کے اثرات نمایاں ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بالوں کے پیچ اور پگڑی کے پیچ ایک دوسرے سے گتھے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کنایہ یہ ہے کہ جیسے دشمن آپس میں گتھ جاتے ہیں مرنے مارنے پر تُل جاتے ہیں
طرز کیں چتون کی پائی سر میں شور جور ہے۔۔۔۔۔۔۔۔۔۔۔۔۔اُس شوخ کے تیور ایسے خونی اور خوفناک ہیں جیسے غصے سے پاگل ہوگیا ہو(شورِ جور۔۔ستم ڈھانے پر تیار)
ہم سے یہ انداز اوباشانہ کرنا کیا ضرور۔۔۔۔۔۔۔۔۔۔۔۔۔۔ہمیں رزیل سمجھ کر رزیلوں کی طرح پیش آناضروری تو نہ تھا ۔۔ اِس دھن میں وہ کچھ کا کچھ لگنے لگا ہے
آنکھ ٹیڑھی خم ہے ابرو طور کچھ بے طور ہے۔۔۔۔۔۔۔۔آنکھ ، ابرواور تمام طورطریق دشمن پر ٹوٹ پڑنے جیسے ہیں تو اِس حال میں وہ اپنا حال دیکھے کیا بے طور ہورہاہے
طبع درہم وضع برہم زخم غائر چشم تر۔۔۔۔۔۔۔۔۔۔۔۔۔اِس کے برعکس عاشق کا حالِ زار یہ ہے کہ طبیعت ، وضع قطع اور آنکھ ۔۔۔ اُس کے غم میں زخم زخم ہے
حال بد میں بیکسوں کے کچھ تمہیں بھی غور ہے۔۔۔۔۔۔۔یہ ،وہ حال ہے کہ راہ چلتادیکھے تو ٹھہر جائے مگر محبوب کو عبرت لینا نصیب نہیں
کیا شکایت کریے اس خورشید چہرہ یار کی۔۔۔۔۔۔۔۔۔اُس حسیں کی کیا شکایت کیجیے۔۔۔۔۔۔۔۔۔۔۔۔۔۔۔۔۔
مہر وہ برسوں نہیں کرتا ستم فی الفور ہے۔۔۔۔۔۔۔۔۔مہربانی برسوں سے نہ کی اور ستم پر فوراً آمادہ ہے۔۔۔۔۔۔۔۔۔۔۔۔۔۔۔۔۔۔۔۔۔۔
وصل کی دولت گئی ہوں تنگ فقر ہجر میں۔۔۔۔۔۔۔۔وصل کی دولت چھن گئی ہجر کی مارسے تنگ(آگیا ) ہوں۔۔۔۔۔۔۔۔۔۔۔۔۔۔۔۔۔۔۔۔
یا الٰہی فضل کر یہ حور بعد الکور ہے۔۔۔۔۔۔۔۔۔۔۔۔حور بعد الکون یاحوربعدالکور ۔۔۔یہ رحمت سے زحمت کی طرف لوٹنا ہے۔۔۔تو اے رب کرم فرما
اس کے دیوانے کے سر پر داغ سودا ہے جو میر۔۔۔۔۔۔۔۔اس دیوانے کے سر پر جو داغِ دیوانگی سجا ہے میرصاحب(داغِ دیوانگی۔نشانِ امتیاز سمجھیں)
وہ مخبط عاشقوں کا اس سبب سرمور ہے۔۔۔۔۔۔۔۔۔۔۔۔وہ مخبوط الحواس دراصل تمام عاشقوں کا سرخیل و سردار ہے یعنی میدانِ عشق کا بادشاہ بلکہ شہنشاہ ہے
سِر مَور۔۔۔۔۔۔ کسی خوبی اور وصف میں اول
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دَور۔۔اَور۔۔جَور۔۔طَور۔۔غَور۔۔فَور۔۔کَور۔۔مَور
